ថ្មីៗនេះ សារព័ត៌មាន inquirer.net បានរាយការណ៍ពីរឿងដ៏គួរឱ្យហួសចិត្តរបស់បុរសម្នាក់ ដែលបានចូលទៅលេងក្នុងអាងក្រពើមួយ ព្រោះស្មានថាជាក្រពើជ័រ តែមានអីប៉ះរបស់ពិត ខាំដាច់ជើង ប៊ិះនឹងអស់ជីវិតទៀត។
តាមព័ត៌មានបានឱ្យដឹងថា ហេតុការណ៍នេះបានកើតឡើងនៅអាងក្រពើមួយ នាខេត្ត Zamboanga Sibugai ប្រទេសហ្វីលីពីន។ បុរសខាងលើនេះ បានផ្លោះសំណាញ់ដែកចូលទៅអង្គុយក្នុងអាងទឹកក្បែរក្រពើ ព្រោះស្មានថាជាក្រពើជ័រ តែអង្គុយលេងបានតែមួយសន្ទុះ ស្រាប់តែក្រពើស្ទុះមកខាំជើងភ្លែត ហើយទាញបុរសនេះចូលទៅក្នុងទឹក និង បន្តខាំវាយប្រហារដើម្បីធ្វើជាចំណី។
យ៉ាងណាមិញ ជាសំណាងល្អបុរសរូបនេះ ត្រូវបានម្ចាស់ក្រពើជួយទាន់ ហើយក៏បានបញ្ជូនទៅមន្ទីរពេទ្យ ដោយក្នុងអាការៈរបួសជើងធ្ងន់ធ្ងរ។ ដោយឡែក ខាងអាជ្ញាធរបានឱ្យដឹងថា បុរសខាងលើនេះមានបញ្ហាផ្លូវចិត្ត ហើយតែងតែដើរនៅម្តុំនេះជាប្រចាំ ហើយថ្ងៃកើតហេតុគេក៏បានចូលទៅដល់អាងក្រពើ រួចចុះទៅលេង ព្រោះគិតថាជាក្រពើជ័រ តែប៉ះរបស់ពិត ទើបបង្កឱ្យមានរបួស និង បង្កឱ្យមានការភ្ញាក់ផ្អើលដល់មហាជនបែបនេះ៕
ប្រភព៖ Kapook
