នៅរាត្រីថ្ងៃទី ០២ ខែមេសា ឆ្នាំ ២០២៥ នេះ កម្មវិធីប្រកួតសម្រស់ Miss Supranational Cambodia 2025 បានឈានដល់វគ្គប្រកួតផ្ដាច់ព្រ័ត្រ និង ជាវេលារកឃើញម្ចាស់ជ័យលាភីគ្រងមកុដ Miss Supranational Cambodia ប្រចាំឆ្នាំ ២០២៥ នេះហើយ ដើម្បីតំណាងកម្ពុជាទៅប្រកួតលើឆាកអន្តរជាតិ។
ក្នុងរាត្រីវគ្គផ្ដាច់ព្រ័ត្រនេះដែរ តាមរយៈការផ្សាយបន្តផ្ទាល់លើផេក Miss Supranational Cambodia បានធ្វើឱ្យមហាជនអ្នកគាំទ្រតាមដានវិស័យបវរកញ្ញាជាច្រើនរំភើប និង បង្ហាញការអបអរសាទរដោយក្ដីពេញចិត្តចំពោះម្ចាស់ជ័យលាភីគ្រងមកុដថ្មី Miss Supranational Cambodia 2025 គឺបានទៅលើបវរកញ្ញា ឈុំ ចាន់ដារ៉ា។
ជាមួយម្ចាស់ជ័យលាភីគ្រងមកុដ ក្នុងនោះបេក្ខភាពបវរកញ្ញាជើងខ្លាំង ៤ រូបទៀតក៏ទទួលបានជ័យលាភីគាប់ចិត្តដែរ ដោយជ័យលាភីរងទី ១ បានទៅលើស្រីស្អាត ស៊ីដនី ម៉ារិទ្ធ, ជ័យលាភីរងទី ២ បានទៅលើស្រីស្អាត ហុក សារិតុលា, ជ័យលាភីលំដាប់រងទី ៣ បានទៅលើស្រីស្អាត វ៉ា ម៉ាលីណា និង ជ័យលាភីលំដាប់រងទី ៤ បានទៅលើស្រីស្អាត កាំង សូតុនឡេអា៕
