ក្រោយលែងលះប្តីមិនបានប៉ុន្មាន ទីបំផុតតារាចម្រៀងរ៉េបដ៏ល្បី Cardi B បានបង្ហោះរូបភាពនៅលើ Instagram បង្ហាញពីទំនាក់ទំនងផ្លូវការជាមួយប្រុសស្នេហ៍ថ្មី ដែលគេស្គាល់ជាកីឡាករបាល់ wide receiver អាជីព នោះគឺ Stefon Diggs។
ត្រឹមរូបភាពមួយសន្លឹកកៀកកិតគ្នានៅលើទូកប្រណីត បានបង្ហាញយ៉ាងច្បាស់ ដែលនាង និង គូស្នេហ៍ ពិតជាផ្អែមល្ហែម ដែលអ្នកទាំងពីរបានទៅសាងភាពរ៉ូមែនទិកជាមួយគ្នានៅទីក្រុង Miami កាលពីចុងសប្តាហ៍មុន។
អ្វីដែលសំខាន់ នាងបានបង្ហោះវីដេអូរាំញាក់គូទដាក់ប្រុស្នេហ៍ ហាក់ដូចជាកំពុងអួតឬឌឺដងទៅកាន់អតីតប្តី។ មួយវិញទៀត នាងបានបង្ហោះរូបភាពទទួលបានកាដូផ្កាកុលាប និង តុក្កតា teddy ពីប្រុសស្នេហ៍ ដោយសរសេរភ្ជាប់ថា Chapter 5 ……Hello Chapter six ឬ ជំពូកទី ៥ …. សួស្តីជំពូកទី ៦ ដែលក្នុងន័យឌឺទៅកាន់អ្នកចាស់ ហើយបង្ហាញកំពុងចាប់ផ្តើមមានអ្នកថ្មីយ៉ាងមានក្តីសុខ។
គូស្នេហ៍ថ្មីរបស់ Cardi មានអាយុ ៣១ ឆ្នាំ ប្អូននាងតែមួយឆ្នាំប៉ុណ្ណោះ។ អ្នកទាំងពីរចាប់ផ្តើមមានពាក្យចចាមអារ៉ាមទាក់ទងគ្នាកាលពីខែកុម្ភៈ នៅក្នុងកម្មវិធីជប់លៀងមួយនៅទីក្រុងញ៉ូវយក។ បន្ទាប់មក ពួកគេបានចំណាយពេលជាមួយគ្នានៅថ្ងៃ Valentine’s Day ហើយ ក៏បង្ហាញទំនាក់ទំនងជាសាធារណៈនៅដើមខែនេះតែម្តង៕
ប្រភព៖ NYP
