មហាជននិយមតាមដានរឿងរ៉ាវសិល្បៈ ជាពិសេសពាក់ព័ន្ធនឹងម្ចាស់ពានកម្មវិធី The Voice Cambodia រដូវកាលទី ១ លោក ប៊ុត សីហា ច្បាស់ជាបានជ្រាបខ្លះៗមកហើយ នូវព្យុះភ្លៀងរឿងរ៉ាវអាស្រូវរបស់លោកជាបន្តបន្ទាប់នោះ។
យ៉ាងណាមិញ ក្រោយភ្លៀងមេឃស្រឡះហើយនោះ មួយរយៈធំចុងក្រោយនេះ លោក ប៊ុត សីហា ក៏មិនបានលេចឮនូវព័ត៌មានមិនល្អណាមួយទៀតដែរ តែនៅតែបន្តភាពស្ងប់ស្ងាត់ក្នុងវិស័យសិល្បៈដដែល។
ដោយឡែក ស្រាប់តែថ្មីៗនេះ លោក Rith Omega ដែលជាអ្នកដឹកនាំមួយរូប បានចេញមកបង្ហោះសារពាក់ព័ន្ធនឹងលោក ប៊ុត សីហា ដោយផលិតកររូបនេះបានសុំឱ្យមហាជនផ្តល់ឱកាសជាថ្មីដល់លោក ប៊ុត សីហា។
សារនោះ លោក Rith Omega បានរៀបរាប់ថា ៖ «ខ្ញុំបានជួប ប៊ុត សីហា ហើយបានឱ្យ សីហា និយាយរឿងក្នុងចិត្តរបស់ សីហា និង រឿងការងារ លក្ខខណ្ឌការងារ ដែលគាត់ចូលរួមជាមួយនឹង YK Lab (យុគៈ)។ សង្ឃឹមថាអ្នកទាំងអស់នឹងទុកឱកាសឱ្យ សីហា! ខ្ញុំជឿថា ខ្ញុំអាចធ្វើឱ្យ សីហា ត្រលប់មកវិញក្នុងរូបរាងថ្មី រសជាតិថ្មី។ ខ្ញុំធ្លាប់ខុស សីហា ធ្លាប់ខុស ខ្ញុំបាននិយាយប្រាប់ពីបញ្ហាខ្ញុំធ្លាប់ជួប និង លើកទឹកចិត្តឱ្យ សីហា ត្រលប់មកវិញ ជាមួយនឹងខ្ញុំ»៕
