ធ្មេចបើកៗ រយៈពេលជាង ៦ ខែហើយ ដែលពិធីការិនីជួរមុខ អ្នកនាង ហ៊ិន ច័ន្ទនីរ័ត្ន ពពោះទាយាទដំបូងក្នុងផ្ទៃ ក្រោយសាងចំណងអាពាហ៍ពិពាហ៍អស់រយៈពេលជាង ១ ឆ្នាំ។
ជាការពិតណាស់ បើទោះជាពពោះជាច្រើនខែហើយក្តី តែ អ្នកនាង ហ៊ិន ច័ន្ទនីរ័ត្ន មិនទាន់ប្រកាសពីភេទកូនក្នុងផ្ទៃនោះឡើយ ខណៈស្វាមីអ្នកនាង ចង់បានកូនប្រុស។ រីឯមិត្តភក្តិ និង អ្នកគាំទ្រ ក៏បានទស្សន៍ទាយ និង អន្ទះសាចង់ដឹងដូចគ្នាថា តើទាយាទដំបូងរបស់ពិធីការិនីរូបនេះ ជាកូនស្រី ឬប្រុស។
ដោយឡែក នៅថ្ងៃទី ១៨ ខែឧសភា ឆ្នាំ ២០២៥ កន្លងទៅ អ្នកនាង ហ៊ិន ច័ន្ទនីរ័ត្ន និង ស្វាមី បានរៀបចំពិធីជប់លៀងបង្ហាញភេទកូន ឬ Gender Reveal Party ដោយបានអញ្ជើញភ្ញៀវចូលរួមយ៉ាងច្រើនកុះករផងដែរ។
ក្នុងកម្មវិធី Gender Reveal Party នេះដែរ អ្វីដែលធ្វើឱ្យប៉ាម៉ាក់ទាំង ២ រូបនេះ និង ភ្ញៀវកិត្តិយសចូលរួមរំភើបនោះ គឺកូនក្នុងផ្ទៃរបស់អ្នកនាង ហ៊ិន ច័ន្ទនីរ័ត្ន គឺជាកូនប្រុស ដែលស្របតាមបំណងរបស់តារាស្រីរូបនេះ និង ស្វាមី៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
