មកទល់ពេលនេះ ដ្បិតតែពិធីករ MC Vutha បានចេញវីដេអូនិយាយសុំទោសជាសាធារណៈមែន ក្រោយផ្ទុះការរិះគន់ខ្លាំងពេញបណ្ដាញសង្គមលើពាក្យសម្ដីលេបខាយបៀតបៀនលើនារីម៉ូឌែល ប៉ុន្តែចំពោះការនិយាយសុំទោសក្នុងវីដេអូទី ១ នោះ លោកក៏ត្រូវបានមហាជនផ្ទុះបញ្ចេញមតិវែកញែកជាថ្មី ដែលគេយល់ថាលោកសុំទោសហាក់មិនចេញពីចិត្ត។
ក្នុងនោះ មតិភាគច្រើនរបស់មហាជនលើបណ្ដាញសង្គម គឺមិនសូវពេញចិត្តចំពោះការសុំទោសរបស់លោកឡើយ ដោយគិតថាលោកពុំទាន់បានទទួលកំហុសនូវពាក្យសម្ដីដែលលោកបាននិយាយទៅកាន់នារីម៉ូឌែលរូបនោះនៅឡើយ គ្រាន់តែសុំទោសត្រឹមតែការកាត់តវីដេអូបង្ហោះដោយមិនមានការអនុញ្ញាតប៉ុណ្ណោះ។
ស្របគ្នានោះ ងាកទៅមើលហ្វេសប៊ុកនារីម៉ូឌែលវិញ ដែលមានឈ្មោះថា រស្មី ក៏បានចេញបង្ហោះសារលើកនិយាយពីរឿងរ៉ាវដែលបានកើតឡើងដោយអរគុណដល់មហាជនអ្នកគាំទ្រចំពោះការបារម្ភលើកទឹកចិត្ត ព្រមទាំងឆ្លើយតបទៅកាន់ការសុំទោសរបស់ពិធីកររូបនោះដែរ ដោយនាងយល់ថាការសុំទោសនោះមិនទាន់ពេញលេញត្រង់ចំណុចខ្លះ និង ហាក់មិនចេញពីចិត្តឡើយ។
យ៉ាងណាមិញ បន្ទាប់ពីនារីម៉ូឌែល រស្មី ចេញបង្ហោះរៀបរាប់បែបនេះ ក៏បានឃើញពិធីករ MC Vutha បានចេញវីដេអូមួយទៀត ដែលបាននិយាយ និង សំពះសុំទោសជាថ្មីទៅកាន់ រស្មី ដោយលើកនេះលោកបានរៀបរាប់ទទួលនូវកំហុសពាក្យសម្ដីរបស់លោក ដែលបាននិយាយលេងសើចលេបខាយជ្រុលលើសលស់ធ្វើឱ្យប៉ះពាល់ដល់ចិត្ត និង កិត្តិយសរបស់នារីឌែល រស្មី ព្រមទាំងមហាជនអ្នកគាំទ្រលើបណ្ដាញសង្គមផងដែរ។ សូមចុចទីនេះ ដើម្បីទស្សនាវីដេអូ ៖
សូមទស្សនាវីដេអូខាងក្រោម៖
