នៅព្រឹកថ្ងៃទី ១៧ ខែមីនា ឆ្នាំ ២០២៥ នេះ អ្នកផលិតមាតិកាល្បីឈ្មោះ អតីតសមាជិកក្រុម OMG អ្នកនាង តែ ស៊ុនសុដាលីកា បានបង្ហោះសារមួយ ផ្តាំផ្ញើទៅអ្នកគាំទ្រ ក្រោយមានជនអនាមិកយករូបភាពនាង ទៅបង្កើតគណនីហ្វេសប៊ុក។
លើសពីនោះ អ្វីដែលគួរឱ្យបារម្ភទៀត គណនីហ្វេសប៊ុកនោះ មិនត្រឹមតែយករូបនាងទៅបង្កើតគណនីនោះឡើយ គឺបានឈរឈ្មោះឱ្យគេខ្ចីប្រាក់ថែមទៀតផង។
តាមរយៈការបង្ហោះរបស់ អ្នកនាង តែ ស៊ុនសុដាលីកា បានរៀបរាប់ថា៖ «Account ឈ្មោះ Lymey Jing បានក្លែងបន្លំយករូបខ្ញុំទៅឈរឈ្មោះឱ្យគេខ្ចីប្រាក់ សូមបងប្អូនប្រយ័ត្នចាញ់បោក account មួយនេះក្នុងករណីណាមួយ ដែលជនឆបោកអាចធ្វើទៅបាន។ ខ្ញុំសូមបញ្ជាក់ នេះមិនមែនជា account ខ្ញុំទេ។ ម្ចាស់ fake account នឹងទទួលខុសត្រូវចំពោះមុខច្បាប់ ខ្ញុំហ្នឹងដាក់ពាក្យបណ្តឹងទៅ នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department»៕
