កាលពីថ្ងៃទី ១៧ ខែសីហា ឆ្នាំ ២០២៥ កន្លងទៅ សាស្ត្រាចារ្យវេជ្ជបណ្ឌិត Kavisara Krasaewes ប្រចាំនាយកដ្ឋានវេជ្ជសាស្ត្រផ្ទៃក្នុង នាសាកលវិទ្យាល័យឈៀងម៉ៃ បានបង្ហាញពីទិន្នន័យរបស់ការឆ្លងរាតត្បាតយ៉ាងគំហុកនៃជំងឺស្វាយ និង ប្រមេះទឹកបាយក្នុងចំណោមប្រជាជនថៃ នាឆ្នាំ ២០២៥ នេះ។
សម្រាប់ជំងឺស្វាយ មានករណីថ្មីជាង ២២ ៨៧០ ឬ ៣៥.២ ភាគរយក្នុងប្រជាជនមួយសែននាក់ ពោលកើនឡើង ចំនួន ៨០ ភាគរយ បើធៀបនឹងឆ្នាំ ២០២២។ ចំណែកជំងឺប្រមេះទឹកបាយ នៅក្នុងឆ្នាំ ២០២៥ នេះមានចំនួន ១២ ៤៨០ ករណី ឬ ១៩.២ ភាគរយក្នុងប្រជាជនមួយសែននាក់ ដែលកើនលើសចំនួនកាលពីឆ្នាំ ២០២២។ ក្នុងនោះមនុស្សប្រុសមានចំនួនភាគរយឆ្លងច្រើនជាងមនុស្សស្រី ហើយខេត្តឈៀងម៉ៃ ក៏ស្ថិតក្នុងចំណោមខេត្តដែលមានអ្នកឆ្លងច្រើនជាងគេផងដែរ។
ស្ត្រាចារ្យវេជ្ជបណ្ឌិត Kavisara Krasaewes បានព្រមានថា កត្តាចម្បង នៃការឆ្លងជំងឺទាំងនេះ គឺការរួមភេទដោយមិនប្រើស្រោមអនាម័យ ឬមានដៃគូរួមភេទច្រើន ហើយក្រុមយុវជនគឺមានហានិភ័យខ្ពស់ជាងគេ។ ស្ត្រាចារ្យវេជ្ជបណ្ឌិត បានលើកទឹកចិត្តកុំឱ្យលាក់បាំង នឹងស្វែងរកការព្យាបាលកុំទុកយូរឱ្យសោះ៕
ប្រភព៖ Khaosod
