ប្រិយមិត្តបានស្គាល់មកហើយពីវត្តមាន អ្នកគ្រូ ណាលី ដែលត្រូវបានគេស្គាល់ថាជាគ្រូហុងស៊ុយបែបវិទ្យាសាស្ត្រ ដ៏មានប្រជាប្រិយភាព និង តែងបានចែករំលែកនូវចំណេះដឹងល្អៗទាក់ទងនឹងង៉ូវហេងរបស់មនុស្ស ហើយថ្មីៗនេះទៀតអ្នកគ្រូបានលើកឡើងជាពិសេសនូវចំណុចមួយលើផ្ទៃមុខ នោះគឺច្រមុះដែលជាផ្នែកសំខាន់មួយ។
ក្នុងនោះ អ្នកគ្រូណាលី បានរៀបរាប់បញ្ជាក់ឱ្យបានជ្រាបថា ៖ «ង៉ូវហេងរបស់មនុស្សសំខាន់ មានសង្គេតអត់? អ្នកខ្លះមុនពេលកែច្រមុះ ធ្វើមុខធ្វើមាត់រកស៊ីឡើង តែពេលកែង៉ូវហេងមុខខុស បែរជារកស៊ីធ្លាក់ ហើយមានបញ្ហាមិនចេះចប់មិនចេះហើយ»។
បន្ថែមលើសពីនេះ អ្នកគ្រូណាលី បានបញ្ជាក់ពីចំណុចសំខាន់អំពីច្រមុះ ឱ្យបានដឹងថា ៖ «ច្រមុះសំខាន់ណាស់ កែខុស ជីវិតនឹងផ្លាស់ប្តូរពីល្អទៅអាក្រក់ បើកែត្រូវ ជីវិតនឹងរីកចម្រើន។ ចង់កែវាសនា ត្រូវដឹងពីព្រហ្មលិខិតរបស់អ្នកនោះច្បាស់»៕
ប្រភព ៖ Naly Long
