រយៈពេលជាង ១ សប្ដាហ៍ហើយ ដែលអ្នកម៉ាក់កូន ២ មៀលីយ៉ាន់ បានចាកចេញពីមាតុប្រទេសទៅកាន់ប្រទេសកូរ៉េ តំណាងឱ្យកម្ពុជាចូលរួមប្រកួតក្នុងកម្មវិធី Miss Supertalent World 2025។
មកដល់ពេលនេះ កម្មវិធី Miss Supertalent World 2025 កាន់តែកៀកថ្ងៃប្រកួតផ្ដាច់ព្រ័ត្រហើយ ដែលនឹងប្រព្រឹត្តទៅនៅថ្ងៃទី ២៨ ខែកុម្ភៈ ឆ្នាំ ២០២៥ ខាងមុន ដោយពេលនេះដែរ ក្រឡេកមើលបេក្ខភាពបវរកញ្ញាកម្ពុជាយើងគឺ អ្នកនាង មៀលីយ៉ាន់ ក៏កំពុងស្ថិតក្នុងដំណើរការប្រកួតត្រៀមខ្លួនយ៉ាងស្វាហាប់ផងដែរ។
ក្នុងដំណើរប្រកួតរយៈពេលជាង ១ សប្ដាហ៍នេះ អ្នកនាង មៀលីយ៉ាន់ តែងឆក់បានការចាប់អារម្មណ៍ និង សរសើរខ្លាំងពីមហាជនអ្នកគាំទ្រខ្មែរជាមួយនឹងវត្តមានរបស់នាងក្នុងដំណើរការប្រកួតពីមួយថ្ងៃទៅមួយថ្ងៃកាន់តែស្រស់ស្អាតលេចធ្លាខ្លាំង។
ដោយឡែក ក្រឡេកទៅមើលឈុតតំណាងជាតិរបស់អ្នកនាង មៀលីយ៉ាន់ វិញ ពិតជាមានភាពប្រណីតស្រស់ស្អាតខ្លាំងរចនារំលេចក្បាច់ខ្មែរ ដែលមានឈ្មោះថា «សុវណ្ណមច្ឆា» ដែលត្រៀមបង្ហាញលើឆាកអន្តរជាតិដ៏អស្ចារ្យនេះឱ្យពិភពលោកបានស្គាល់ពីកម្ពុជាកាន់តែច្បាស់៕
សូមចុចទីនេះដើម្បីទស្សនាវីដេអូ៖
