និយាយពីអ្នកនាង កែវ ចាន់និមល ពិធីការិនីដ៏ឆ្នើមមួយរូបប្រចាំស្ថានីយទូរទស្សន៍ហង្សមាស តែងទទួលបានសរសើរ និង ស្រឡាញ់គាំទ្រខ្លាំងពីសំណាក់យុវវ័យគ្រប់ស្រទាប់ជាមួយនឹងទេពកោសល្យវោហារស័ព្ទចាក់ទឹកមិនលិចរបស់អ្នកនាង ព្រមទាំងមានរូបសម្រស់យ៉ាងស្រស់ស្អាតទៀតផង។
ម៉្យាងវិញទៀត ពិធីការិនីល្បីឈ្មោះរូបនេះ បច្ចុប្បន្នត្រូវបានគេចាត់ទុកជាអ្នកសិល្បៈដែលមានជីវិតជោគជ័យខ្លាំង ទាំងវិស័យសិល្បៈ និង ជីវិតគ្រួសារ ដោយគេសង្កេតឃើញថា អ្នកនាងកំពុងរស់នៅក្នុងជីវិតដ៏មានក្ដីសុខបែបអភិជន ខណៈអាជីពសិល្បៈនៅតែមានសន្ទុះទីផ្សារមិនថមថយ។
និយាយផ្ដោតលើវិស័យសិល្បៈ ពិធីការិនី កែវ ចាន់និមល កន្លងមកឃើញថាអ្នកនាងក្ដោបក្ដាប់តែអាជីពជាពិធីការិនី និង ថតស្ប៉តពាណិជ្ជកម្មឱ្យផលិតផលផ្សេងៗប៉ុណ្ណោះ ទាក់ទងនឹងជំនាញសិល្បៈផ្សេងទៀតក្រៅពីនេះ គឺអ្នកនាងហាក់មិនសូវជាបង្ហាញឡើយ។
ដោយឡែក ថ្មីៗកន្លងទៅនេះ អ្វីដែលធ្វើឱ្យមហាជនចាប់អារម្មណ៍ និង សរសើរពីទេពកោសល្យរបស់អ្នកនាង កែវ ចាន់និមល ក្រៅពីអាជីពជាពិធីការិនីពេញដោយវោហារស័ព្ទនេះ ក៏បានឃើញវីដេអូមួយរបស់អ្នកនាងបានបកស្រាយចម្រៀងលេងក្នុងចំណោមតារាចម្រៀងល្បីៗម្ដង ឃើញថាអ្នកនាងក៏មានសំឡេងពីរោះម្យ៉ាង ដែលអាចច្រៀងបានមិនចាញ់តារាចម្រៀងអាជីពប៉ុន្មានដែរ៕
សូមចុចទីនេះដើម្បីទស្សនាវីដេអូ៖
