មកស្គាល់បវរកញ្ញា និង បុរសឯកខ្មែរកម្ពុជាក្រោម ៣ រូប កំពុងបោះជំហានជោគជ័យលើវិស័យសិល្បៈនៅកម្ពុជា

បច្ចុប្បន្នវិស័យប្រកួតសម្រស់ក្នុងប្រទេសកម្ពុជា បាន និង កំពុងតែទទួលបានការគាំទ្រយ៉ាងខ្លាំង ដោយក្នុងនោះមានបវរកញ្ញា និង បុរសឯកជាច្រើនរូបបានឆ្ពោះទៅកាន់ឆាកអន្តរជាតិ ដើម្បីតំណាងឱ្យកម្ពុជា។ ដោយឡែក ថ្ងៃនេះ «ប្រជាប្រិយ» នឹងនាំលោកអ្នកមកស្គាល់បវរកញ្ញា និង បុរសឯកចំនួន ៣ រូប ដែលជាខ្មែរកម្ពុជាក្រោម ធ្លាប់ទទួលបានតំណែងមានទាំងនៅក្នុងប្រទេស និង ក្រៅប្រទេសយ៉ាងមោទកភាព។

១. កញ្ញា លីវ ជីលី

កញ្ញា លីវ ជីលី គឺកូនខ្មែរកម្ពុជាក្រោម មកពីខេត្តឃ្លាំង។ សព្វថ្ងៃ បើទោះជាបរកញ្ញារូបនេះបានសម្រេចឈប់ប្រឡូកក្នុងវិស័យបរវកញ្ញាក្តី ប៉ុន្តែកន្លងមកកញ្ញា លីវ ជីលី បានពាំនាំកេរ្តិ៍ឈ្មោះរបស់កម្ពុជា ក្នុងនាមជា Miss Grand Cambodia 2020 និង Miss Supranational Cambodia 2023 ឡើងទៅលើឆាកអន្តរជាតិផងដែរ។

២. កញ្ញា ឆន ស្រីណេត

កញ្ញា ឆន ស្រីណេត គឺជាកូនខ្មែរកម្ពុជាក្រោម មកពីខេត្តព្រះត្រពាំង។ បវរកញ្ញារូបនេះ គឺជា 1st Runner – Up Miss Universe Cambodia 2021 និង ជា Miss Tourism International Cambodia 2022។ កន្លងមក កញ្ញា ឆន ស្រីណេត បានពាំនាំឈ្មោះរបស់កម្ពុជា និង កម្ពុជាក្រោមទៅកាន់ឆាកអន្តរជាតិផងដែរ។

៣. លោក ថាច ខេមម៉ារ៉ា

លោក ថាច ខេមម៉ារ៉ា Top 10 Mister Supranational 2025 គឺជាកូនខ្មែរកម្ពុជាក្រោមពីខេត្តត្រាវិញ។ ក្រោយពីបញ្ចប់ការប្រកួតក្នុងប្រទេសកម្ពុជាកាលពីពេលថ្មីៗ និង ទទួលបាន 10 Mister Supranational 2025 លោក ថាច ខេមម៉ារ៉ា ក៏កំពុងបន្តដំណើរបន្តក្តីស្រមៃលើវិស័យនេះផងដែរ។

ដោយឡែក ក្រៅពីតំណែង 10 Mister Supranational 2025 លោក ថាម ខេមម៉ារ៉ា ក៏ជាបុរសឯកនៅឯប្រទេសវៀតណាមម្ចាស់ជ័យលាភី «Mister Global Việt Nam 2022», «Top 15 Mister Global 2022» និង ជា «Top10 Mister Việt Nam 2024» ផងដែរ៕