ចំពោះតារាកំប្លែងល្បីឈ្មោះ នាយ ពាក់មី អាចចាត់ទុកជាតារាប្រុសមានភាពជោគជ័យមួយរូប ទាំងអាជីពសិល្បៈ ទាំងមុខជំនួញផ្ទាល់ខ្លួន និង ជីវិតគ្រួសារ ខណៈគេឃើញថាជីវិតគ្រួសាររបស់លោក កាន់តែមានភាពធូរធារ និង រស់នៅពោរពេញដោយក្ដីសុភមង្គលជាមួយភរិយា និង កូនប្រុសស្រី។
បើចាប់អារម្មណ៍លើជីវិតគ្រួសាររបស់តារាកំប្លែងប្រុសរូបនេះ ដ្បិតតែលោកមានភាពមមាញឹកនឹងការងារសិល្បៈ និង មុខជំនួញមែន តែលោកក៏នៅតែចំណាយពេលវេលាមើលថែគ្រួសារ ប្រពន្ធកូនបានយ៉ាងល្អ ដោយពេលនេះ កូនប្រុសស្រីក៏ធំៗទន្ទឹមខ្លួន ស្អាតៗ ឆ្លាត និង មានដុងសិល្បៈមិនចាញ់លោកប៉ាឡើយ។
ក្រៅពីពូកែមានសមត្ថភាពលើវិស័យសិល្បៈ និង មើលថែគ្រួសារយ៉ាងល្អ តារាកំប្លែងប្រុសរូបនេះ ក៏ត្រូវបានគេចាត់ទុកជារៀមច្បងមួយរូបគួរឱ្យគោរពស្រឡាញ់ និង មានអត្តរចរិតរួសរាយ តែកន្លងមក លោកក៏ត្រូវបានមិត្តអ្នកសិល្បៈស្និទ្ធស្នាល ចូលចិត្តនិយាយបង្អាប់បែបលេងសើចទាក់ទងការខូចខិលរបស់លោករឿងស្រីសីទៀតផង។
ដោយឡែក ថ្មីៗកន្លងទៅ អ្វីដែលមហាជនកាន់តែចាប់អារម្មណ៍ចំពោះតារាកំប្លែងរូបនេះទៀត ខណៈធ្លាប់តែបានឮពីអត្តចរិតបែបលេងសើចផ្សេងៗពីអ្នកជុំវិញខ្លួន តែងាកមកស្ដាប់ភរិយារបស់លោកនិយាយពីចំណុចល្អ និង អាក្រក់របស់លោកចេញពីមាត់ផ្ទាល់ម្ដង ដែលបានរៀបរាប់ឱ្យដឹងថាចំណុចល្អរបស់ នាយ ពាក់មី និង ជាចំណុចដែលភរិយារបស់លោកស្រឡាញ់ គឺជាមនុស្សពូកែគ្រប់មុខ រីឯចំណុចអាក្រក់របស់លោកវិញគឺ ខូចខិលមានស្រីច្រើន៕
សូមចុចទីនេះដើម្បីទស្សនាវីដេអូ៖
