ជាការពិតណាស់ បច្ចុប្បន្នអ្នកគាំទ្រវិស័យសិល្បៈច្បាស់ជាបានឃើញមកហើយពីការធ្វើដំណើររបស់តារាក្រៅប្រទេសមកកាន់កម្ពុជាក្នុងកម្មវិធីនានា ជាពិសេសនោះ ដូចជាកម្មវិធីជួបជុំអ្នកគាំទ្រជាដើម។ ជាក់ស្តែង មួយរយៈចុងក្រោយនេះ គឺមានតារាប្រុសស្រីល្បីៗរបស់ប្រទេសថៃជាច្រើនមកអញ្ជើញមកកាន់ប្រទេសកម្ពុជា ក្នុងការរៀបចំជំនួបអ្នកគាំទ្ររបស់ពួកគេ។
ក្រៅពីការចាប់អារម្មណ៍នៃការចូលរួមពីសំណាក់តារាក្រៅប្រទេសនោះ មហាជនក៏កំពុងចាប់អារម្មណ៍នឹងតារាប្រុសស្រីកម្ពុជា ២ រូប គឺលោក ទ្រីវ ដេវីដ និង កញ្ញា យ៉ូ កាម៉ុនរ៉ាត់ ដែលតែងតែបង្ហាញវត្តមានក្នុងកម្មវិធីជួបជុំអ្នកគាំទ្ររបស់តារាប្រទេសថៃដែលមកកាន់កម្ពុជា ក្នុងនាមជាពិធីករ ពិធីការិនី បកប្រែព្រមគ្នាទៀតផង។
ក្នុងនោះ អ្នកគាំទ្របានសរសើរដល់ លោក ទ្រីវ ដេវិដ និង កញ្ញា យ៉ូ កាម៉ុនរ៉ាត់ ថាពិតជាមានទេពកោសល្យ និង អាចបកប្រែភាសាថៃបានយ៉ាងល្អ ខណៈកន្លងមកតារាប្រុសស្រីទាំង ២ បានបង្ហាញវត្តមានលើឆាកតន្ត្រីត្រឹមជាពិធីករ ពិធីការិនី និង ជាតារាចម្រៀងប៉ុណ្ណោះ៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
