បើនិយាយពីកម្មវិធីប្រកួតសម្រស់ Freshie Girls & Boys ច្បាស់ជាមហាជនជាច្រើនបានស្គាល់មកហើយ ដោយកម្មវិធីនេះជាកម្មវិធីមួយទទួលបានប្រជាប្រិយភាព និង រៀបចំអស់រយៈពេលជាង ២០ ឆ្នាំមកហើយ។ ក្នុងនោះដែរក៏មានសិល្បករ សិល្បការិនីល្បីៗជាច្រើន បានដុះពន្លកចេញពីកម្មវិធីនេះ ដោយខ្លះបានក្លាយទៅជាតារាចម្រៀង ខ្លះក្លាយជាពិធីករ ពិធីការិនី និង ខ្លះទៀតក្លាយជាតារាសម្តែង តារាបង្ហាញម៉ូដទៀតផង។
ជាក់ស្តែង ក្រឡេកមកមើលម្ចាស់មកុដ Miss Universe Cambodia ២ ជំនាន់ គឺកញ្ញា រ៉េត សារីតា Miss Universe Cambodia 2020 និង អ្នកនាង ប្រាសាទ ដាវីន Miss Universe Cambodia 2023 ក៏ជាជ័យលាភី និង បេក្ខជនធ្លាប់ចូលរួមកម្មវិធី Freshie Girls & Boys ដែរ។
១. អ្នកនាង ប្រាសាទ ដាវីន Miss Universe Cambodia 2023 ជ័យលាភីចំណាត់ថ្នាក់លេខ ៣ ប្រកួត Freshie Girls & Boys ជំនាន់ទី ៤ ឆ្នាំ ២០០៥
២. កញ្ញា រ៉េត សារីតា Miss Universe Cambodia 2020 បេក្ខភាពប្រកួត Freshie Girls & Boys ជំនាន់ទី ១២ ឆ្នាំ ២០១៣៕