បើកបង្ហាញជីវិត ហេង រិនសុម៉ាលីតា តួទេវធីតាឆ្នាំ ២០២២ ព្រះនាង កិរិណីទេវី ក្រោយរៀបការរួច

កញ្ញា ហេង រិនសុម៉ាលីតា ត្រូវបានមហាជនស្គាល់ថាជាម្ចាស់ជ័យលាភីធីតាឯកសង្ក្រាន្តរដូវកាលទី ៣ ឆ្នាំ ២០២២ និង បានតំណាងជាតួអង្គទេវតាឆ្នាំថ្មី បុត្រីទី ៥ នៃកបិលមហាព្រហ្ម គឺព្រះនាងកិរិណីទេវី។

ចាប់តាំងពី ម៉ាលីតា បានក្លាយជាធីតាឯកសង្ក្រាន្តមក គេសង្កេតឃើញថាកញ្ញាក្ដោបបានការងារក្នុងសិល្បៈជាច្រើន ទាំងការដើរម៉ូដ ច្រៀង ថតប្រូម៉ូតផលិតផល និង សម្ដែងភាពយន្តខ្មែរជាដើម។ ក្រៅពីអាជីពសិល្បៈ នាងក៏បម្រើការងារជានារីអាកាសចរណ៍ដ៏មានប្រជាប្រិយភាពមួយរូប។

ក្រោយប្រឡូកការងារសិល្បៈពេញទីទើបបានមួយរយៈ ប៉ុន្មានឆ្នាំក្រោយនេះ ធីតាឯកសង្ក្រាន្ត ម៉ាលីតា ក៏បានត្រឡប់ទៅកាន់អាជីពដើមរបស់ខ្លួនវិញ ជានារីអាកាសចរណ៍ដែលនាងធ្លាប់ធ្វើតាំងតែពីរៀននៅសាកលវិទ្យាល័យឆ្នាំទី ១ ម្ល៉េះ។

តាមរយៈការបង្ហោះសកម្មភាពផ្សេងៗនៅលើគណនីហ្វេសប៊ុក ម៉ាលីតា ជានារីអាកាសចរណ៍ដែលអាចនិយាយបាន ៣ ភាសា ចិន អង់គ្លេស និង ភាសាដើមកំណើត រីឯរូបសម្រស់វិញ បច្ចុប្បន្ន ហាក់មើលទៅកាន់តែស្រស់ស្អាតប្លែកជាងមុន។

យ៉ាងណាមិញ ក្រោយស្ងប់ស្ងាត់ពីវិស័យសិល្បៈ និង វិលត្រឡប់ទៅធ្វើការងារអាជីពចាស់វិញ ប៉ុន្មានខែកន្លងទៅ ហេង រិនសុម៉ាលីតា បានធ្វើឱ្យមហាជនចាប់អារម្មណ៍ខ្លាំងលើជីវិតឯកជនរបស់នាង ខណៈស្ងាត់ៗក៏បានឃើញ ធីតាឯករូបនេះ ដឹកដៃគូស្នេហ៍រូបសង្ហាចូលរោងការតាមប្រពៃណីហើយ ដែលបានរៀបចំកម្មវិធីតាមប្រពៃណីខ្មែរយ៉ាងអធិកអធមកាលពីថ្ងៃទី ៩ ខែមីនា ឆ្នាំ ២០២៥។

ដោយឡែក អ្វីរឹតតែធ្វើឱ្យមហាជនអ្នកគាំទ្រចាប់អារម្មណ៍លើស្រីស្អាត ម៉ាលីតា ជាពិសេសសរសើរទាក់ទងនឹងសមត្ថភាពរបស់នាង ខណៈថ្មីៗកន្លងទៅនេះ បានឃើញនាងបង្ហាញពីការសម្រេចក្ដីស្រមៃដ៏ធំមួយ ដែលទទួលភាពជោគជ័យមួយកម្រិតទៀតលើវិស័យអាកាសចរណ៍ ដោយនាងបានជាប់ជាបុគ្គលិកបម្រើការងារក្នុងក្រុមហ៊ុនអាកាសចរណ៍លំដាប់អន្តរជាតិធំជាងលើពិភពលោកទៀតផង គឺក្រុមហ៊ុន Emirates៕

សូមចុចទីនេះដើម្បីទស្សនាវីដេអូ៖