នៅរសៀលថ្ងៃទី ១៩ ខែមិថុនា ឆ្នាំ ២០២៥ កន្លងទៅនេះ ក្រសួងអប់រំយុវជន និង កីឡា បានជូនដំណឹងអំពីមុខវិជ្ជាជម្រើស សម្រាប់លើកយកមកប្រឡងក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំ ២០២៥ នេះ ទាំងថ្នាក់វិទ្យាសាស្ត្រ និង ថ្នាក់សង្គម។
ក្នុងនោះក្រសួងអប់រំ បានបញ្ជាក់ឱ្យដឹងថា វិញ្ញាសាជម្រើសសម្រាប់ការប្រឡងបាក់ឌុបឆ្នាំ ២០២៥ មានដូចតទៅ ៖
– ថ្នាក់វិទ្យាសាស្ត្រ៖ មុខវិជ្ជាប្រវត្តិវិទ្យា
– ថ្នាក់វិទ្យាសាស្ត្រសង្គម៖ មុខវិជ្ជាផែនដី និង បរិស្ថានវិទ្យា
សូមរំឭកផងដែរថា កាលពីថ្ងៃទី ៣១ ខែមករា ឆ្នាំ ២០២៥ កន្លងទៅ ក្រសួងអប់រំយុវជន និង កីឡា បានជូនដំណឹងពីសម័យប្រឡងសញ្ញាបត្រមធ្យមសិក្សាទុតិយភូមិ ក្នុងឆ្នាំ ២០២៥ នេះ ដែលនឹងធ្វើឡើងនៅថ្ងៃទី ១៨ ខែសីហា ឆ្នាំ ២០២៥៕
