ថ្មីៗនេះ នៅតាមបណ្តាញសង្គមក្នុងប្រទេសថៃ កំពុងផ្ទុះការចែកចាយវីដេអូមួយ ដែលបង្ហាញពីបុគ្គលិកនៅក្នុងផ្សារទំនើបមួយក្រុម កំពុងតែចោមរោមវាយធ្វើបាបភ្ញៀវម្នាក់យ៉ាងឃោរឃៅ។
តាមព័ត៌មានបានឱ្យដឹងថា ហេតុការណ៍បានកើតឡើងនៅក្នុងផ្សារទំនើបល្បីមួយកន្លែងនាម្តុំឡាតផ្រាវ ទីក្រុងបាងកក ដោយតាមរយៈវីដេអូ គេឃើញថាមានស្រ្តីម្នាក់ដែលសន្និដ្ឋានថាជាភ្ញៀវ បានចូលមកចង្អុលស្តីឱ្យបុគ្គលិកស្រីពីរនាក់ ដោយអាកប្បកិរិយាច្រងេងច្រងាង។ មិនយូរប៉ុន្មាន ស្រាប់តែបុគ្គលិកស្រីទាំងពីរនាក់ ក៏បានព្រួតគ្នាវាយស្រ្តីនោះតែម្តង ហើយខណៈកំពុងតែប្រទាញប្រទង់គ្នា ស្រាប់តែមានបុគ្គលិកប្រុសម្នាក់ទៀតយកដំបងឈើមកវាយពីលើស្រ្តីនោះបន្ថែម ហើយចុងក្រោយក៏មានបុគ្គលិកប្រុសផ្សេងទៀត មកទាត់ធាក់មួយតង់ទៀត រហូតដល់ស្រ្តីនោះសន្លប់។
សរុបទៅ ស្រ្តីរូបនេះត្រូវបានមនុស្ស ៤ នាក់ ព្រួតគ្នាវាយធ្វើបាប ហើយក្រោយពីវីដេអូនេះត្រូវបានគេចែកចាយទៅ មានមហាជនច្រើនណាស់បាននាំគ្នាប្រតិកម្មចែកចាយ ដោយអ្នកខ្លះបានបញ្ចេញមតិថាមនុស្សប្រុសមិនគួរលើកដៃវាយមនុស្សស្រីដល់ថ្នាក់នេះឡើយ ឯអ្នកខ្លះទៀតក៏គិតថាស្រ្តីនោះសមមុខហើយ ព្រោះមើលទៅនាងជាអ្នកមករករឿងគេមុន៕
សូមចុចទីនេះដើម្បីទស្សនាវីដេអូ៖
