នាពេលថ្មីៗនេះ ក្រសួងសាធារណការ និង ដឹកជញ្ជូន បានចែករំលែកលក្ខខណ្ឌគួរយល់ដឹងមួយចំនួនអំពី «ការកំណត់ល្បឿនបើកបរ» នៅលើផ្លូវល្បឿនលឿនភ្នំពេញ-ក្រុងព្រះសីហនុ។
ជាក់ស្ដែង ចំពោះ «ការកំណត់ល្បឿនបើកបរ» នៅលើផ្លូវល្បឿនលឿន មានល្បឿនទាបបំផុត (អប្បបរមា) និង លឿនបំផុត (អតិបរមា) សម្រាប់ផ្លូវល្បឿនលឿន ដែលត្រូវបានកំណត់ដូចខាងក្រោម៖
អប្បបរមា អតិបរមា ឬ (យឺតបំផុត) (លឿនបំផុត)
– ល្បឿន 60 – 120 km/h រថយន្តគ្រួសារ/ធុនស្រាល
– ល្បឿន 60 – 100 km/h រថយន្តធុនធ្ងន់មិនមានសណ្តោងសឺម៉ីរ៉ឺម៉ក ឬ ម៉ូតូ 500cc/27kW ឡើងទៅ
– ល្បឿន 60 – 80 km/h រថយន្តសណ្តោងសឺម៉ីរ៉ឺម៉ក ឬ សណ្តោងយានដំណើរកម្សាន្ត។
ក្នុងនោះ ក្រសួងសាធារណការ និង ដឹកជញ្ជូន ក៏បានបញ្ជាក់ឱ្យដឹងទៀតថា ករណីមានស្លាកសញ្ញាកំណត់ល្បឿនអតិបរមា អ្នកបើកបរត្រូវអនុវត្តតាមជាកំហិត ជំនួសឱ្យគោលការណ៍ខាងលើ។ ករណីផ្លូវកោង ច្រកចូលចំហៀងទៅផ្លូវល្បឿនលឿន អ្នកបើកបរត្រូវបានកំណត់ឱ្យបើកបរត្រឹមតែ 40 km/h ប៉ុណ្ណោះ រួចទើបត្រូវបង្កើនល្បឿនដល់ 60 km/h។ ដោយឡែកក ន្លែងដែលចាំបាច់ត្រូវបន្ថយល្បឿន ក៏ត្រូវបានដាក់នូវគំនូសរំញ័រ (Rumble Stripes) ដើម្បីដាស់តឿនដល់អ្នកបើកបរផងដែរ៕
ប្រភព ៖ ក្រសួងសាធារណការ និង ដឹកជញ្ជូន
