កាលពីថ្ងៃទី ២០ ខែមេសា ឆ្នាំ ២០២៥ កន្លងទៅនេះ អ្នកលេងបណ្តាញសង្គមហ្វេសប៊ុក ជាពិសេសអ្នកសិល្បៈជាច្រើន បានបង្ហាញក្តីរន្ធត់ចិត្ត ក្រោយទទួលដំណឹងមរណភាពរបស់អ្នករាំមួយរូប ព្រោះវិបត្តិផ្លូវចិត្ត។
អ្នករាំមានប្រជាប្រិយភាព ដែលជាសមាជិកក្រុមរាំរបស់តារាចម្រៀងល្បីៗជាច្រើន ត្រូវបានគេស្គាល់ឈ្មោះក្នុងសិល្បៈថា តុងតុង។ ក្នុងនោះ តាមការឱ្យដឹងពីអ្នកស្និទ្ធស្នាលបានប្រាប់ថា តុងតុង មានវិបត្តិផ្លូវចិត្តជាយូរមកហើយ ហើយកាលពីរសៀលថ្ងៃទី ១៩ ខែមេសា ឆ្នាំ ២០២៥ លោកក៏បានសម្រេចចិត្តធ្វើអត្តឃាត ដោយចង-កសម្លាប់ខ្លួន។
គួរជម្រាបថា តុងតុង គឺជាអ្នករាំអាជីពមានប្រជាប្រិយភាព និង មានទេពកោសល្យមួយរូប ដោយលោកបានរាំឱ្យតារាចម្រៀងល្បីៗជាច្រើន ក្នុងនោះរួមមាន កញ្ញា ចិត្ត កញ្ចនា, កញ្ញា លាង សុផាឡែន, អ្នកនាង និរ័ត្ន, អ្នកនាង ចំរើន សុភ័ក្ត្រ និង តារាប្រុសស្រីជាច្រើនទៀត៕