មហាជនអ្នកប្រើប្រាស់បណ្ដាញសង្គម បាននាំគ្នាផ្ទុះការចាប់អារម្មណ៍ និង ចែករំលែកបន្តគ្នាព្រោងព្រាត បន្ទាប់ពីមានករណីអ្នកម៉ាក់មួយរូប បានបង្ហោះរូបភាព និង វីដេអូ ចែករំលែករឿងរ៉ាវដែលកូនស្រីតូចរបស់ខ្លួន បានយកទូរស័ព្ទកម្មង់អាហារនៅ KFC ទាំងយប់ សរុបអស់ប្រមាណ ១២៥ ដុល្លារ។
ទាក់ទិនទៅនឹងរឿងរ៉ាវនឹកស្មានមិនដល់នេះ កន្លងមកធ្លាប់តែឃើញនៅប្រទេសគេ ស្រាប់តែនៅយប់ថ្ងៃទី ១៨ ខែមិថុនា ឆ្នាំ ២០២៥ តាមរយៈគណនីស្ត្រីជាម្ដាយដែលមានឈ្មោះ OLA III បានរៀបរាប់ថា ខ្លួនបានញ័រសាច់និយាយលែងចេញ បន្ទាប់ពីឱ្យកូនស្រីឈ្មោះ រេលឡា កាន់ទូរស័ព្ទមួយភ្លេត ស្រាប់តែគេបានកម្មង់ KFC កាត់យប់ សរុបអស់ទឹកប្រាក់ប្រមាណ ១២៥ ដុល្លារ ធ្វើឱ្យខ្លួនចង់គាំងបេះដូង ខណៈការកម្មង់មានឈុតប៊ឺហ្គឺចំនួន ១៨ មានទាំងដំឡូងបារាំង កូកា ដុំសាច់មាន់ និង ភ្លៅមាន់ជាច្រើនផងដែរ។
យ៉ាងណាមិញ ទាក់ទិនទៅនឹងរឿងនេះ អាចជាមេរៀនសម្រាប់ឪពុកម្ដាយដទៃទៀត ដែលគួរត្រួតពិនិត្យនៅពេលដែលកូនតូចៗលោកអ្នកលេងទូរស័ព្ទ ចៀសវាង និង បង្ការជួបនូវបញ្ហាដែលនឹកស្មានមិនដល់ដូចខាងលើនេះ៕
