នៅព្រឹកថ្ងៃទី ១៣ ខែមិថុនា ឆ្នាំ ២០២៥ នេះ ក្រសួងវប្បធម៌ និង វិចិត្រសិល្បៈ បានចេញសេចក្តីជូនដំណឹងមួយស្តីពីការបញ្ឈប់ការនាំចូល និង ការបញ្ឈប់ការចាក់បញ្ចាំងភាពយន្តថៃ នៅគ្រប់រោងភាពយន្ត ក្នុងព្រះរាជាណាចក្រកម្ពុជា។
ក្រសួងវប្បធម៌ និង វិចិត្រសិល្បៈ បានបញ្ជាក់ឱ្យបានដឹងថា ចាប់ពីម៉ោង ១២ ថ្ងៃត្រង់ ថ្ងៃទី ១៣ ខែមិថុនា ឆ្នាំ ២០២៥ នេះតទៅ គ្រប់ក្រុមហ៊ុនចែកចាយភាពយន្ត និង រោងភាពយន្តទាំងអស់ក្នុងព្រះរាជាណាចក្រកម្ពុជា បញ្ឈប់ការនាំចូល និង បញ្ឈប់ការចាក់បញ្ចាំងភាពយន្តថៃ នៅតាមរោងភាពយន្តរបស់ខ្លួន និង នៅតាមទីតាំងផ្សេងទៀតជាកំហិត។
ក្នុងន័យនេះ ក្រសួងបានជម្រាបជូនគ្រប់ម្ចាស់ក្រុមហ៊ុនចែកចាយភាពយន្ត និង ម្ចាស់រោងភាពយន្តទាំងអស់ ចូលរួមសហការអនុវត្តដោយស្មារតីទទួលខុសត្រូវខ្ពស់៕
សូមអានសេចក្ដីលម្អិតនៅខាងក្រោម ៖
