ពុ.ទ្ធោ! ស្រ្តីអ្នកអនាម័យម្នាក់ ចូលទៅសម្អាតច្រឡំផ្ទះ ម្ចាស់គេស្មានថាជាចោរ ជ្រុលដៃបា-/ ញ់ស្ល./ា-ប់ ចោលកូន ៤ នាក់ឱ្យកំព្រាម្ដាយ

ថ្មីៗនេះ នៅសហរដ្ឋអាមេរិកមានករណីឃាតកម្មមួយដ៏គួរឱ្យរំជួលចិត្ត ដែលស្រ្តីអនាម័យម្នាក់ បានស្លាប់ចោលកូន ៤ នាក់ឱ្យនៅកំព្រា ព្រោះតែត្រូវគេបាញ់សម្លាប់ ដោយសារតែរឿងចូលទៅសម្អាតខុសផ្ទះ។

តាមព័ត៌មានបានឱ្យដឹងថា ស្រ្តីរូបនេះមានឈ្មោះថា Maria Florinda Rios Perez មានវ័យ ៣២ ឆ្នាំ នាងមានស្វាមី និងកូនប្រុសស្រីចំនួន ៤ នាក់នៅក្នុងបន្ទុក ហើយនាង និងស្វាមីមានមុខរបជាអ្នកស៊ីឈ្នួលសម្អាតផ្ទះ។ នៅថ្ងៃកើតហេតុ ដែលត្រូវនឹងថ្ងៃទី ៥ ខែវិច្ឆិកា ឆ្នាំ ២០២៥ នាងជាមួយនឹងស្វាមី បានចូលទៅសម្អាតផ្ទះមួយកន្លែងនៅ Witstown រដ្ឋ Indiana តែខណៈនាងកំពុងតែចាក់សោរចូលផ្ទះនោះ ស្រាប់តែមានគ្រាប់កាំភ្លើងហោះមកទម្លុះក្បាលរបស់នាង បណ្តាលឱ្យនាងស្លាប់នៅចំពោះមុខស្វាមីតែម្តង។

យ៉ាងណាមិញ តាមព័ត៌មានបានឱ្យដឹងទៀតថា នៅខណៈមុនកើតហេតុបន្តិចខាងអាជ្ញាធរនៅក្នុងតំបន់ បានទទួលការប្តឹងពីម្ចាស់ផ្ទះមួយកន្លែងថាមានអ្នកចូលទៅផ្ទះរបស់ខ្លួន តែប៉ូលិសបានអះអាងថាមិនឃើញមានករណីនេះឡើយ ទើបក្រោយមកបន្តិច ស្រាប់តែមានករណីបាញ់សម្លាប់នេះកើតឡើងតែម្តង។ ដោយឡែក ការិយាល័យព្រះរាជអាជ្ញាធរចាត់ទុកករណីនេះជាករណីឃាតកម្ម ហើយកំពុងតែពិចារណារឿងនេះទៅតាមផ្លូវច្បាប់៕

ប្រភព៖ NYPOST