Marjory Rittman ជាស្ត្រីវ័យចំណាស់ម្នាក់ រស់នៅទីក្រុង West Des Moines ក្នុងរដ្ឋ Lowa សហរដ្ឋអាមេរិក។ នាង និង ប្តី ជាមនុស្សចូលចិត្តលេងឆ្នោតបំផុត ដោយរៀងរាល់ថ្ងៃសៅរ៍ ពួកគេតែងលេងឆ្នោតប្រភេទហ្គេមភ្ជាប់ពាក្យ crossword scratch games ហើយតែងតែប្រាប់គ្នាទៅវិញទៅមកថា ថ្ងៃណាមួយពួកគេនឹងឈ្នះរង្វាន់ធំ។
អស់រយៈកាលជាច្រើនឆ្នាំ ប្តីរបស់ Marjory Rittman ក៏បានចែកឋានទៅ តែយ៉ាងណា នាងនៅតែមិនបោះបង់ការលេងឆ្នោតដូចសព្វដង។ ដូចអ្វីដែលរំពឹងទុក បន្ទាប់ពីប្តីរបស់នាងស្លាប់បានប្រមាណ ៨ ខែ ទីបំផុត នៅថ្ងៃទី ២៩ ខែ វិច្ឆិកា ឆ្នាំ ២០២៥ អំឡុងល្ងាចថ្ងៃសៅរ៍ នាងបានលេងហ្គេមឈ្នះរង្វាន់ធំ ជាកំពូលរង្វាន់ top prize ដែលមានទឹកប្រាក់ ១ ម៉ឺនដុល្លារ។
ពេលទៅទទួលរង្វាន់ នាងបាននិយាយថា វាពិតជារឿងនឹកស្មានមិនដល់ ដែលនាងគ្រាន់តែអង្គុយ ហើយចាប់ផ្តើមលេងតែមួយភ្លែត ក៏ឈ្នះភ្លាម។ នេះជាអ្វីដែលនាង និង ប្តី តែងតែរង់ចាំជាយូរ។ នាងថែមទាំងនិយាយថា នេះអាចជាសញ្ញា និង ជាកាដូពីប្តីរបស់នាង ដែលស្លាប់បាត់ទៅ។
សម្រាប់ឆ្នោតហ្គេមនេះ នាងបានចំណាយលុយលេងតែ ១០ ដុល្លារប៉ុណ្ណោះ ហើយក៏ឈ្នះបានដល់ទៅ ១ ម៉ឺនដុល្លារ ត្រឹមមួយប៉ប្រិចភ្នែក៕
ប្រភព៖ People
