អុញពាក់ខុសម្រាម! បុរសម្នាក់រត់រកពេទ្យឱ្យជួយសង្គ្រោះ ក្រោយពាក់ចិញ្ចៀនលើអាប្អូនតូច ហើយជាប់ឆ្កឹ-ងរឹងដោះមិនចេញ

ជារឿងដ៏គួរឱ្យភ្ញាក់ផ្អើល និង នឹកស្មានមិនដល់ តាមរយៈផេករបស់វេជ្ជបណ្ឌិត ប៊ុនណ្ណារិទ្ធិ – Dr. Bunnarith ឯកទេសវះកាត់តម្រងនោម និង ប្រព័ន្ធទឹកម៉ូត្រ បានបង្ហាញពីករណីកម្រនៅថ្ងៃទី ២ ខែធ្នូ ឆ្នាំ ២០២៥ នេះ ដោយបុរសម្នាក់បានជាប់ចិញ្ចៀនទៅនឹងគល់ប្រដាប់ភេទ ត្រូវបានក្រុមគ្រូពេទ្យសង្គ្រោះទាន់ពេលវេលា ជាករណីដ៏ចម្លែកនឹកស្មានមិនដល់។

ចំពោះករណីនេះ វេជ្ជបណ្ឌិត ប៊ុនណ្ណារិទ្ធិ ពុំបានលើកឡើងផ្ទាល់ពីអត្តសញ្ញាណ និង ដើមហេតុរបស់អ្នកជំងឺនោះ​ឡើយ ខណៈលោកបានលើកឡើងជារួមឱ្យដឹងថា ការជាប់កងដែកនៅលើលិង្គនេះ ជាទូទៅការយកដែក ឬ វត្ថុរឹងរាងជាកង (ចិញ្ចៀន, ខ្ចៅ, ប្រដាង, ឬ ក្បាលដបផ្សេងៗ) មកពាក់លើលិង្គ កម្រកើតមាន តែតម្រូវឱ្យមានការព្យាបាលជាបន្ទាន់ ដែលបញ្ហានេះអាចកើតមានលើបុរស មានបញ្ហាផ្លូវចិត្ត ធ្វើបាបខ្លួនឯង ឬ មានបំណងប្រើក្នុងការជួយឱ្យលិង្គរឹងបានយូរ ហើយចំពោះបញ្ហានេះច្រើនកើតឡើងចំពោះបុគ្គលដែលមានចំណង់ផ្លូវភេទខ្លាំង ឬ គ្មានដៃគូសម្រាប់រួមភេទយូរឆ្នាំ ឬ ក៏គ្មានតែម្ដង និង ជាបុគ្គលដែលឧស្សាហ៍សម្រេចកាមដោយខ្លួនឯងញឹកញាប់។

វេជ្ជបណ្ឌិតរូបនេះបានបន្តថា ប្រសិនបើលោកអ្នកមានបងប្អូន ឬ មិត្តភក្តិ ដែលមានបញ្ហានេះ សូមប្រញាប់យកគាត់ទៅព្យាបាលឱ្យកាន់តែឆាប់តាមដែរធ្វើបាន ហើយអាចបន្តនាំគាត់ទៅជួបវេជ្ជបណ្ឌិតឯកទេសវិកលវិទ្យា ប្រសិនបើគាត់មានបញ្ហាផ្លូវចិត្តមកជាមួយ ខណៈផលវិបាកក្រោយពីយកកងដែក ឬ សម្ភារផ្សេងៗ ពាក់លើលិង្គ មានដូចជា ៖

– ស្ទះទឹកនោម (Urinary retention)

– ត្បៀតបំពង់ទឹកនោម (Urethral stricture )

– ធ្លាយបំពង់ទឹកនោម (Urethral fistula)

– លិង្គឡើងរឹង ដោយគ្មានចំណង់ផ្លូវភេទ (Priapism)

– ជំងឺលិង្គវៀច (Peyronie’s disease)

– លិង្គមិនងើបឡើងរឹង (Erectile dysfunction)

– រលាកស្បែកលិង្គ (Skin ulceration)

– ខូច ឬ រលួយលិង្គ (Penis necrosis)៕

សូមចុចទីនេះដើម្បីទស្សនាវីដេអូ