Goofy ផុសសារទាំងឈឺចិត្តសុំទោសប្រពន្ធកូន ខណៈកូនស្រីតូចទើបសម្រាលបានប៉ុន្មានថ្ងៃ ត្រូវគេខំមិនពាក្យមិនសមរម្យដាក់

កាលពីថ្ងៃទី ១១ ខែកញ្ញា ឆ្នាំ ២០២៥ កន្លងទៅនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រតារាចម្រៀងរ៉េប Goofy បានបង្ហាញការអបអរដល់លោក ខណៈតារាចម្រៀងរ៉េបវ័យក្មេងរូបនេះ ទទួលបានសមាជិកថ្មីជាកូនស្រីបណ្តូលចិត្ត ក្រោយភរិយាពពោះអស់រយៈពេល ៩ ខែ ១០ ថ្ងៃ។ ក្នុងនោះដែរ ប៉ាៗវ័យក្មេង Goofy ក៏បានដាក់ឈ្មោះកូនស្រីយ៉ាងពីរោះថា ដែន រតនៈនារីសុទិម៉ា ហៅ Jasmine។

ស្របពេលទទួលបានការអបអរសាទពីសំណាក់ មិត្តភក្តិ និង អ្នកគាំទ្រផងនោះ ស្រាប់តែលោក Goofy និង ភរិយាបានប្រតិកម្មយ៉ាងខ្លាំង ខណៈមានអ្នកចូលទៅបញ្ចេញមតិប្រើពាក្យមិនសមរម្យ ក្នុងន័យមើលងាយទៅកាន់ក្រុមគ្រួសាររបស់លោក ជាពិសេសនោះ គឺកូនស្រីទើបសម្រាលរបស់លោកតែម្តង ដោយអ្នកខំមិននោះបានលើកឡើងថា៖ «មុខកូនឱ្យដូចក្តិត មិនទាន់ឃើញការផងមានកូនបាត់ ដោយសារអត់មានលុយការមែន»។

ក្នុងនោះ ក្រោយទទួលបានការបញ្ចេញមតិមិនសមរម្យបែបនេះ ភរិយារបស់លោក Goofy បានបង្ហាញការឈឺចាប់ ហើយ Goofy ផ្ទាល់ក៏បានបង្ហោះសារមួយថា៖ «Daddy Sorry My Daughter And My Wife ដែលឱ្យមានរឿងនេះកើតឡើងមកម្ដងទៀត»។

យ៉ាងណាក៏ដោយ ក្រោយឃើញការបញ្ចេញមតិធ្វើឱ្យប៉ះពាល់អារម្មណ៍លោក Goofy និង ភរិយាកំពុងសរសៃខ្ចីនោះ ក៏មានអ្នកគាំទ្រ និង មិត្តភក្តិជាច្រើន បានចូលទៅលើកទឹកចិត្តដល់ប៉ាម៉ាក់វ័យក្មេងទាំង ២ រូប ជាបន្តបន្ទាប់ផងដែរ៕