ថ្មីៗកន្លងទៅនេះ ឃើញវត្តមានរបស់តារាចម្រៀងប្រុសស្រីជាច្រើនរូប ទាំងសិល្បៈរៀមច្បង និង សិល្បៈជំនាន់ក្រោយ បានទៅកាន់ទឹកដីកម្ពុជាក្រោម ដើម្បីចូលរួមបង្ហាញកិត្តិយសច្រៀងក្នុងកម្មវិធី «សម្ភោធសាលាធម្មសភា ២ ជាន់ រោងទាន ខ្លោងទ្វារ ខួបអនុស្សាវរីយ៍ ១២០ ឆ្នាំកាកសាងវត្ត និង រាប់បាត្រប្រគេនព្រះសង្ឃ ៥០០ អង្គ» ដែលប្រារព្ធឡើងរយៈពេល ៣ ថ្ងៃ នៅវត្តពោធិគិរីវង្សារាម (ស្វាយសៀមថ្មី ) ភូមិស្វាយសៀម ឃុំង៉ាយស្វៀង ស្រុកថ្កូវ ខេត្តត្រាវិញ។
ក្នុងកម្មវិធីលើទឹកដីខ្មែរក្រោមនេះដែរ ក៏បានឃើញតារាចម្រៀងជើងចាស់ជារាជិនីសំឡេង អ្នកនាង ម៉េង កែវពេជ្ជតា បង្ហាញវត្តមានចូលរួមច្រៀងផ្ទាល់ក្នុងកម្មវិធីជាមួយសិល្បករជាច្រើនរូបទៀត និង ឃើញមានការចូលរួមគាំទ្រយ៉ាងច្រើនកុះករពីបងប្អូនខ្មែរក្រោមផងដែរ។
រយៈពេល ៣ ថ្ងៃនៃវត្តមានរបស់រាជិនីសំឡេង ម៉េង កែវពេជ្ជតា ក្នុងកម្មវិធីសម្ភោធនេះដែរ ពិតជាបានធ្វើឱ្យតារាចម្រៀងជើងចាស់រូបនេះ មានក្ដីរំភើបចិត្តជាពន់ពេក ដោយទទួលបានការស្វាគមន៍យ៉ាងកក់ក្ដៅបំផុតពីបងប្អូនខ្មែរក្រោម ជាពិសេសក្ដីស្រឡាញ់របស់បងប្អូនខ្មែរក្រោម បានចោមរោមឱបថើបគាំទ្រដល់អ្នកនាងយ៉ាងខ្លាំងផងដែរ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
