ចំពោះតារាសម្ដែងស្រីដ៏ឆ្នើម ស៊ីន យូប៊ីន ក្រៅពីឆក់បានការចាប់អារម្មណ៍សរសើរពីស្នាដៃលើវិស័យសិល្បៈ ដែលតែងសាងមោទកភាពលើឆាកអន្តរជាតិលើកមុខមាត់ជូនប្រទេសកម្ពុជាហើយនោះ តារាស្រីរូបនេះ កន្លងមកក៏តែងត្រូវបានមហាជនចូលចិត្តតាមដានពីជីវិតស្នេហារបស់នាងផងដែរ។
និយាយដល់រឿងស្នេហារវាងកញ្ញា ស៊ីន យូប៊ីន និង គូស្នេហ៍រូបសង្ហា ខាត់ វៃហាំង វិញ មហាជនអ្នកគាំទ្រដែលធ្លាប់តាមដានសុទ្ធតែជ្រាបហើយថាអ្នកទាំងពីរជាគូស្នេហ៍មួយគូ តែងអង្រួនចិត្តអ្នកគាំទ្រជាមួយការបង្ហាញនូវភាពផ្អែមល្ហែមល្អូកល្អិនជាមួយគ្នាលើបណ្ដាញសង្គមជាហូរហែ គ្រាន់តែមួយរយៈចុងក្រោយនេះ អ្នកទាំងពីរហាក់ឃ្លាតឆ្ងាយគ្នាខ្លាំងមិនសូវមានសកម្មភាពជាមួយគ្នាដូចមុនឡើយ។
ដោយឡែក អ្វីដែលធ្វើឱ្យមហាជនចាប់អារម្មណ៍ទៀតនោះ ស្របពេលគូស្នេហ៍មួយគូនេះស្ងប់ស្ងាត់ឃ្លានឆ្ងាយពីគ្នា ក៏បានឃើញកញ្ញា ស៊ីន យូប៊ីន បាននិយាយក្នុងបទសម្ភាសជាមួយអ្នកសារព័ត៌មានទាក់ទងនឹងរឿងស្នេហា និង គូជីវិតរបស់នាង ដែលក្នុងនោះ កញ្ញាក៏បានបញ្ជាក់ឱ្យដឹងថា ពេលនេះគឺនាងមិនទាន់គិតដល់រឿងគូជីវិតនោះទេ សុំផ្ដោតតែលើការងារ និង គោលដៅជីវិតសិន ដែលនាងកំពុងមានឱកាសច្រើន និង មានអ្វីត្រូវធ្វើច្រើនលើវិថីសិល្បៈ ដើម្បីឱ្យកាន់តែជោគជ័យបន្ថែមទៀត៕
សូមចុចទីនេះដើម្បីទស្សនាវីដេអូ៖
