ជាការពិតណាស់ ក្រោយពីការប៉ះទង្គិចគ្នារវាងកងទ័ពកម្ពុជា និង កងទ័ពថៃ ដែលបានកើតឡើងនៅព្រឹកថ្ងៃទី ២៨ ខែឧសភា ឆ្នាំ ២០២៥ នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ កាលពីពេលកន្លងទៅនេះ បានធ្វើឱ្យប្រជាជនកម្ពុជាកំពុងមានការយកចិត្តទុកដាក់យ៉ាងខ្លាំងចំពោះរឿងនេះ។
ក្នុងនោះ គេសង្កេតឃើញប្រជាជនកម្ពុជាកំពុងស្រុះដៃគ្នា ប្រមូលថវិកា និង ស្បៀងអាហារជូនដល់កងទ័ព ដែលកំពុងឈរជើងនៅគោលដៅសមរភូមិមុខ ខណៈកងទ័ពបានធ្វើការចល័តកម្លាំង និង អាវុធទៅព្រំដែន ដើម្បីការអនុវត្តផែនការបម្រុង ក្នុងការការពារបូរណភាពទឹកដីកម្ពុជា។
ងាកមកកាន់កីឡាការិនីប្រដាល់គុនខ្មែរ អ្នកនាង អេ យ៉ានុត ឯណោះវិញ ក៏បានបង្ហោះសារក្នុងនាមជាកូនខ្មែរមួយរូប ក្រោយឃើញមានការប៉ះទង្គិចរវាងកងទ័ពកម្ពុជា និង ថៃ។ ក្នុងនោះ អ្នកនាង អេ យ៉ានុត បានលើកឡើងថា ៖ «ដៃខ្ញុំធ្លាប់តែកាន់ហ្គង់ប្រដាល់ តែបើជាតិត្រូវការខ្ញុំព្រម ១០០%»៕
