ថ្មីៗនេះ ម៉ាកដ៏ល្បី Alexander McQueen ទើបតែបង្ហាញខូឡិកហ្សិនថ្មី ជាម៉ូដសម្លៀកបំពាក់សម្រាប់ និទាឃរដូវ និង រដូវក្តៅ ឆ្នាំ ២០២៦។ តាមរយៈការបង្ហាញម៉ូដនៅក្នុងកម្មវិធី Paris Fashion Week អ្នកច្នៃម៉ូដខូឡិកហ្សិននេះ បានបំផុសគំនិតពីទេវកថា Celtic និង មនោសញ្ចេតនាដ៏ព្រឺព្រួច។
មួយក្នុងចំណោមឈុតខូឡិកហ្សិន គេបានចាប់អារម្មណ៍ខ្លាំងទៅលើម៉ូដខោខូវប៊យជើងវែង ពាក់ជាមួយអាវក្រហមសាច់ប៉ោងបែបភួយ ដែលដើរបង្ហាញម៉ូដដោយតារាម៉ូឌែល Cailane Oliveira។
ខោនេះមើលពីមុខម៉ូដលាតសាមញ្ញ តែបើក្រឡេកទៅផ្នែកខាងក្រោយ មានភាពសិចស៊ី និង ទាក់ភ្នែកខ្លាំង ដោយសារលេងរូតត្រង់កំប៉េះគូទទាំងសងខាង ដែលអាចរូតបញ្ចេញសាច់ពីចង្កេះរហូតដល់ភ្លៅ។ ម៉ូដនេះបើមិនចង់សិចស៊ី អាចរូតបិទវិញក៏បាន។
គួរឱ្យដឹងដែរថា ខូឡិកហ្សិននិទាឃរដូវ និង រដូវក្តៅឆ្នាំ ២០២៦ នេះត្រូវបានឌីហ្សាញដោយ នាយកច្នៃប្រឌិតប្រចាំម៉ាក Alexander McQueen គឺ លោក Seán McGirr៕
