ថ្មីៗនេះ លើហ្វេសប៊ុកកំពុងផ្ទុះចាប់អារម្មណ៍ចែករំលែកវែកញែកខ្លាំង ក្រោយពីបានឃើញអ្នកបង្កើតមាតិកាបណ្ដាញសង្គមលោក Jonh Sey បានបង្ហោះសារលើកឡើងពីតារាស្រុកខ្មែរល្បីមួយចំនួន ដែលហាក់ស្ងាត់មិនឃើញបញ្ចេញមតិអើពើពាក់ព័ន្ធរឿងបញ្ហាព្រំដែន។
ក្នុងនោះ អ្នកបង្កើតមាតិកា Jonh Sey បានបង្ហោះសាររៀបរាប់លើហ្វេសប៊ុកថា ៖ «តារាស្រុកខ្មែរល្បីៗមួយចំនួន ស្ងាត់ច្រៀប រឿង Siam ! ប្រហែលជាប់ sponsor»។
បន្ទាប់ពីបានឃើញការបង្ហោះនេះឡើង ក្រឡេកមើលមហាជនអ្នកលេងហ្វេសប៊ុក ក៏ដូចជាអ្នកសិល្បៈជាច្រើនបានចាប់អារម្មណ៍ចែករំលែក និង បញ្ចេញមតិវែកញែករៀងៗខ្លួនជុំវិញរ៉ាវនេះ។ ក្នុងនោះ ក៏បានឃើញតារាកំប្លែង ពាក់មី បានចែករំលែកការបង្ហោះរបស់ Jonh Sey ដែលលោកបានឆ្លើយតបចំពោះអ្នកបង្កើតមាតិការូបនេះវិញ ក្នុងនាមជាអ្នកសិល្បៈមួយរូបធ្លាប់ចុះផ្ដល់ជំនួយដល់កងទ័ពខ្មែរកន្លងមកដែរ ព្រមទាំងលោកប្រកាសត្រៀមរៀបចំជំនួយសម្ភារៈ ដើម្បីចុះទៅសួរសុខទុក្ខ និង ជូនសម្ភារៈប្រើប្រាស់ដល់បងប្អូនកងទ័ពខ្មែរនៅព្រំដែនម្ដងទៀតផងដែរ។
ក្នុងនោះ លោក ពាក់មី បានរៀបរាប់ថា ៖ «គ្រាន់តែសរសេហើយផុស មិនពិបាកទេប្អូន ការសរសេររបស់ប្អូន អាចធ្វើឱ្យពុកម៉ែបងប្អូនមួយចំនួនតូច មានអារម្មណ៍មិនល្អជាមួយអ្នកសិល្បៈ ដែលបងជាអ្នកសិល្បៈដែរ។ អាទិត្យក្រោយបងទៅទៀត បងចង់បានជំនួយ ជួយអំពូលសូឡា និង ពិល ដើម្បីជូនទៅកងទ័ពយើង សង្ឃឹមថាប្អូននឹងជួយផ្សព្វផ្សាយ ឬក៏អាចរួមដំណើរទៅជាមួយបងក៏បាន ខ្មែរស្រឡាញ់ខ្មែរ ខ្មែរជួយខ្មែរបើប្អូនមានជំនួយជាអំពូលសូឡា ឬ ពិល អាចឆាតមកបងផ្ទាល់បាន 015300007»៕
