នៅថ្ងៃទី ២៥ ខែកញ្ញា ឆ្នាំ ២០២៥ នេះ សាស្រ្តាចារ្យបណ្ឌិត Amorn Pimanmas ដែលជាប្រធានសមាគមន៍វិស្វករនៅប្រទេសថៃ បានទម្លាយពីការបារម្ភរបស់ខ្លួនចំពោះអាគារប៉ុស្តិ៍ប៉ូលិសនៅកន្លែងធរណីស្រូប នាផ្លូវសាមសែន ទីក្រុងបាងកក ដោយជឿថាអាចនឹងបាក់រលំបាន។
លោក Amorn បានឱ្យដឹងថា តាមពិតទៅសរសរគ្រឹះខាងក្រោមរបស់អគារបានខូចខាតទៅហើយ តែដោយសារតែគ្មានអ្នកនៅលើអាគារទើបធ្វើឱ្យនៅទប់លំនឹងបាន។ លោកបានបន្តទៀតថា អ្វីដែលគ្រោះថ្នាក់ បើសិនជាមានភ្លៀងធ្លាក់ នោះអាចនឹងធ្វើឱ្យមានការបាក់ដីមកទៀត ដែលធ្វើឱ្យគ្រឹះនៃអគារកាន់តែខូចខាតទៅទៀត។
ដោយឡែក បើសិនជាមិនមានភ្លៀងធ្លាក់ទេ មិនមានដីបាក់ស្រុតទៀត នោះគេអាចបន្ថែមកម្លាំងទៅជួយទប់គ្រឹះនៃអាគារបាន ប៉ុន្តែយ៉ាងណាក៏ដោយពេលនេះត្រូវវាយតម្លៃស្ថានភាពប្រចាំថ្ងៃ ហើយត្រូវរៀបផែនការចាត់ការជាមួយនឹងអគារមួយនេះផងដែរ៕
ប្រភព៖ Khaosod
