កាលពីថ្ងៃទី ៣០ ខែមករា ឆ្នាំ ២០២៥ កន្លងទៅ លោក Atchariya Ruangrattanaphong ប្រធានសមាគមន៍ជួយជនរងគ្រោះរឿងឧក្រិដ្ឋកម្ម បានទម្លាយឱ្យដឹងថា រឿងក្តីរបស់តារាស្រី Tangmo មានពាក់ព័ន្ធជាមួយនឹងអ្នកធំម្នាក់ ដែលជាអតីតសមាជិកព្រឹទ្ធសភារបស់ថៃ។
លោក Atchariya បានទម្លាយឱ្យដឹងថា បុគ្គលរូបនេះពិតជាមានឥទ្ធិពលណាស់ក្នុងប្រទេសថៃ ហើយមានកូនប្រុសដែលធ្វើការពាក់ព័ន្ធក្នុងរឿងក្តី Tangmo។ បុគ្គលនេះក៏មានពាក់ព័ន្ធជាមួយនឹងក្រុមជួញដូរគ្រឿងញៀន ល្បែងអនឡាញ និង ក្រុមដែលល្បួងមនុស្សស្រីទៅជប់លៀងនៅលើទូកផងដែរ។ លោកជឿថា អ្នកដែលនៅលើទូកក្នុងរឿងក្តី Tangmo ប្រាកដស្គាល់បុគ្គលរូបនេះច្បាស់ មិនយូរមិនឆាប់ការពិតនឹងលេចឡើងហើយ។
ដោយឡែក មូលហេតុដែលធ្វើឱ្យ Tangmo ក្លាយជាជនរងគ្រោះនោះ អាចប្រហែលជានាងបានដឹងអាថ៌កំបាំងទាក់ទងនឹងរឿងគ្រឿងញៀនរបស់បុគ្គលខាងលើនេះ ហើយក៏ត្រូវបានគេបញ្ជូនទៅខ្លួនទៅលក់ក្នុងតម្លៃប្រមាណ ៤០០០០០ បាត ស្មើនឹងប្រមាណជាង ១០០០០ ដុល្លារ។ យ៉ាងណាមិញ ក្នុងរឿងនេះ លោក Atchariya សុំរង់ចាំដំណើរការស៊ើបអង្កេតពីខាងនាយកដ្ឋានស៊ើបអង្កេតពិសេស (DSI) ផងដែរ៕
ប្រភព៖ AMARINTV
