ក្រោយគ្រងតំណែងក្នុងកម្មវិធី Miss Cosmo Cambodia រយៈពេលជាង ១ សប្ដាហ៍នេះ ឃើញថាកញ្ញា ផន ស្រីពី បវរកញ្ញាឯក Miss Cosmo Cambodia 2025 និង កញ្ញា ប៊ី សុធារី បវរកញ្ញាឯករងនៃ Miss Cosmo Cambodia 2025 កំពុងបំពេញតួនាទីយ៉ាងសកម្ម និង ត្រៀមខ្លួនបង្ហាញសមិទ្ធផលថ្មីៗសម្រាប់លើកមុខមាត់ប្រទេស ដែលត្រៀមបំពេញការងារលើឆាកអន្តរជាតិផ្សេងៗ។
ជាក់ស្ដែង ថ្មីៗកន្លងទៅនេះ គេបានឃើញ Top 2 នៃ Miss Cosmo Cambodia ទាំងពីររូប បានដឹកដៃគ្នាធ្វើដំណើរទៅកាន់ប្រទេសវៀតណាម ដើម្បីចូលរួមកម្មវីធី Fashion Show ក្នុងនាមជាសមាជិក Miss Cosmo លើកដំបូង ដែលអ្នកទាំងពីរនឹងត្រៀមដើរបង្ហាញខ្លួនក្នុងកម្មវិធី «The Moon” Fashion Show» របស់វៀតណាមផងដែរ។
មកដល់រាត្រីថ្ងៃទី ៤ ខែមិថុនា ឆ្នាំ ២០២៥ ក្នុងកម្មវិធី «The Moon” Fashion Show» នេះដែរ ឃើញថាបវរកញ្ញាកម្ពុជាទាំងពីររូបនេះ បានធ្វើឱ្យមហាជនអ្នកគាំទ្រចាប់អារម្មណ៍ចែករំលែក និង សរសើរខ្លាំងពីវីដេអូនៃការដើរបង្ហាញម៉ូតរបស់អ្នកទាំងពីរឆាកដ៏ធំនេះ ដែលមានភាពជឿជាក់លេចធ្លោទាំងគូផងដែរ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
