បើចាប់អារម្មណ៍ចំពោះទឹកចិត្តសប្បុរសធម៌ និង កម្លាំងស្នេហាជាតិរបស់កំពូលតារាចម្រៀងប្រុស ឧកញ៉ា ព្រាប សុវត្ថិ និង ក្រុមគ្រួសារ កូនៗ ចាប់តាំងពីកម្ពុជារងការឈ្លានពានមក ឃើញថាគ្រួសាររបស់កំពូលតារាចម្រៀងរូបនេះ បានបង្ហាញសកម្មភាពយ៉ាងសកម្មទាំងការប្រើសំឡេងនិយាយពីកម្ពុជាលើបណ្ដាញសង្គម និង សកម្មភាពសប្បុរសធម៌ផ្សេងៗ។
ក្នុងនោះ ឧកញ៉ា ព្រាប សុវត្ថិ និង ភរិយា ព្រមទាំងកូនៗ ក៏បានចំណាយទាំងកម្លាំង និង ថវិកា រៀបចំនូវស្បៀងអាហារ សម្ភារៈផ្សេងៗ ចុះតាមបណ្ដាខេត្តជាប់ព្រំដែន ដើម្បីនាំយកអំណោយជូនដល់បងប្អូនកងទ័ពជួរមុខ និង គ្រួសារវីរកងទ័ពពលី ព្រមទាំងគ្រួសារភៀសសឹកជាបន្តបន្ទាប់។
មកដល់ពេលនេះ ដ្បិតតែស្ថានភាពប្រទេសបានប្រសើរឡើងវិញបន្តិច តែងាកមើលហ្វេសប៊ុករបស់កូនប្រុសច្បងរបស់ឧកញ៉ា ព្រាប សុវត្ថិ គឺលោក សុវត្ថិ មុនីវណ្ណ ក៏បានឃើញបន្តបង្ហាញសកម្មភាពធ្វើស្បៀងអាហារដែលទុកបានដោយផ្ទាល់ដៃ និង ត្រៀមរៀបចំសម្រាប់ជូនបងប្អូនកងទ័ពជួរមុខបន្ថែមទៀតផងដែរ៕
សូមចុចទីនេះដើម្បីទស្សនាវីដេអូ៖
