នៅថ្ងៃទី ៩ ខែឧសភា ឆ្នាំ ២០២៥ នេះ មហាជនអ្នកគាំទ្រលើបណ្ដាញសង្គមបានចាប់អារម្មណ៍តាមដាន និង ចែករំលែកខ្លាំងពីកម្មវិធីប្រពៃណីពិសេសៗបន្តបន្ទាប់នៃសិរីមង្គលរបស់តារាចម្រៀងស្រី រ៉ាប៊ី និង លោក Nick Taylor ដែលបានរៀបចំកម្មវិធីយ៉ាងធំអធិកអធម មានវត្តមានរបស់បងប្អូន មិត្តអ្នកសិល្បៈជាច្រើនអញ្ជើញចូលរួមអបអរពេញដោយស្នាមញញឹម និង រំភើបចិត្តជំនួសអ្នកទាំងពីរ។
បើក្រឡេកទៅមើលទិដ្ឋភាពនាពេលល្ងាច ជាកម្មវិធីជប់លៀងនៃថ្ងៃមង្គលនេះដែរ ឃើញថាមានការរៀបចំឡើងនៅឯភោជនីយដ្ឋានឯកជនមួយយ៉ាងប្រណីត និង ត្រជាក់ភ្នែកខ្លាំងនៃបរិវេណរោងការទាំងមូល អមរចនាដោយដើមឈរ និង ផ្កាស្រស់យ៉ាងស្រស់ស្អាតមានភាពរ៉ូមែនទិកខ្លាំង។
អ្វីកាន់តែចាប់អារម្មណ៍ក្នុងកម្មវិធីជប់លៀងពេលល្ងាចនេះដែរ គេឃើញមានវត្តមានរបស់បងប្អូនសាច់ញាតិ អ្នកស្និទ្ធស្នាល ក៏ដូចជាសិល្បករ-ការិនីល្បីៗជាច្រើនចូលរួមអបអរថ្ងៃមង្គលនេះ ដែលថតរូបបង្អូតសម្រស់យ៉ាងស្អាតៗសង្ហាៗផងដែរ៕
