ថ្មីៗនេះ អ្នកលេងបណ្តាញសង្គមហ្វេសប៊ុកនៅក្នុងប្រទេសកម្ពុជា កំពុងផ្ទុះការចាប់អារម្មណ៍នឹងរូបភាពប៉ុន្មានសន្លឹករបស់កីឡាករ MMA Fighter ជនជាតិហ្វីលីពីន លោក Mark Striegl ហៅ Mugen ដែលបានធ្វើដំណើរមកកាន់ប្រទេសកម្ពុជា។
រូបភាពប៉ុន្មានសន្លឹកនោះដែរ លោក Mugen បានបង្ហោះនៅលើផេកហ្វេសប៊ុកផ្លូវការរបស់លោក កាលពីថ្ងៃទី ០១ ខែកញ្ញា ឆ្នាំ ២០២៥ កន្លងទៅ ដោយអមនឹង Caption មួយជាភាសាអង់គ្លេសថា៖ «ដំណើរផ្សងព្រេងក្នុងប្រទេសកម្ពុជា»។
អ្វីកាន់តែចាប់អារម្មណ៍នោះ លោក Mugen បានធ្វើដំណើរទៅកាន់មុខព្រះបរមរាជវាំង និង ផ្សារធំថ្មី ដើម្បីផ្តិតយករូបភាពដ៏ស្រស់ស្អាតជាមួយនឹងមិត្តភក្តិ ព្រមទាំងញុំាអាហារតាមផ្លូវថែមទៀតផង។ ក្នុងនោះ រូបភាពមួយសន្លឹកត្រូវបានអ្នកគាំទ្ររបស់លោកចាប់អារម្មណ៍ និង បានចូលទៅបញ្ចេញមតិព្រោងព្រាត គឺលោក Mugen បានថតជាមួយនឹងពស់អាំង ជាអាហារកម្រមួយ ដែលជនជាតិបរទេសមិនសូវបានភ្លក់។
យ៉ាងណាមិញ ក្រោយពីឃើញការមកដល់របស់កីឡាករ MMA Fighter ដ៏ល្បីខាងលើនេះ អ្នកគាំទ្រកម្ពុជា ក៏បានចូលទៅបញ្ចេញមតិស្វាគមន៍ដល់លោក Mugen និង អរគុណដល់លោកបានមកកាន់ប្រទេសកម្ពុជាផងដែរ៕
