មហាជនអ្នកតាមដានគាំទ្ររបស់តារាកំប្លែងល្បីឈ្មោះ នាយ ក្រឹម និង ស្រីលាប បានជ្រាបហើយពីជីវិតគ្រួសាររបស់ប្ដីប្រពន្ធតារាកំប្លែងមួយគូនេះ ដែលបច្ចុប្បន្នអ្នកទាំងពីរបានសាងជីវិតគ្រួសារដ៏កក់ក្ដៅមួយ មានកូនស្រីដ៏គួរឱ្យស្រឡាញ់ ៣ នាក់ ប៉ុន្តែចំពោះកូនស្រីច្បងដែលមានវ័យ ១៩ ឆ្នាំ ឈ្មោះថា គង់ ដារ៉ាទី ជាកូនស្រីរបស់តារាកំប្លែង ស្រីលាប ជាមួយនឹងស្វាមីមុន។
បើនិយាយពីកូនស្រីទាំង ៣ របស់តារាកំប្លែង ស្រីលាប នេះដែរ តែងទទួលបានការចាប់អារម្មណ៍សរសើរជាមួយភាពវៃឆ្លាត ស្អាតៗគួរឱ្យស្រឡាញ់ និង សមត្ថភាពផ្សេងៗរបស់ពួកគេ គឺសុទ្ធតែមានដុងសិល្បៈកាត់តាមលោកប៉ាម៉ាក់ផងដែរ។
ជាពិសេស គង់ ដារ៉ាទី កូនស្រីច្បងរបស់តារាកំប្លែងស្រីរូបនេះ ហៅ ទីទី ក៏មានដុងសិល្បៈមិនធម្មតាដែរ ដោយចេះសម្ដែងរឿងកំប្លែងខ្លីៗ និង មានទេពកោសល្យផ្សេងៗទៀតក្នុងវិស័យសិល្បៈ។
លើសពីនេះ ក្រឡេកមើលរូបសម្រស់របស់ គង់ ដារ៉ាទី វិញ ឆ្នាំនេះចូលវ័យ ១៩ ហើយ ដែលនាងកាន់តែធំពេញរូបពេញរាងពេញក្រមុំ មុខមាត់ក៏កាន់តែស្រស់ស្អាតមិនធម្មតា។ ជាក់ស្ដែង ថ្មីៗនេះ ទីទី កំពុងទទួលបានការចាប់អារម្មណ៍ និង សរសើរខ្លាំងពីមហាជន ចំពោះរូបសម្រស់របស់នាង ខណៈបានឃើញវីដេអូមួយក្នុងថ្ងៃកំណើតរបស់ ស្រីលាប ដែលនាងបានឈរនិយាយជូនពរអ្នកម៉ាក់យ៉ាងគួរឱ្យស្រឡាញ់ខ្លាំង៕ សូមចុចទីនេះដើម្បីទស្សនាវីដេអូ៖
