រយៈពេលជាង ២ ខែហើយ ដែលកម្មវិធី Miss Planet International លើកទី ៤ បានរកឃើញម្ចាស់មកុដប្រចាំឆ្នាំ ២០២៤ គឺបានទៅលើបវរកញ្ញាមកពីប្រទេសអារ៉ាប់រ៉ួម កញ្ញា Mahra Lutfi និង ម្ចាស់មកុដមួយរូបទៀត Angel Miss Planet International 2024 គឺបានទៅបវរកញ្ញាមកពីប្រទេសឥណ្ឌូនេស៊ី គឺកញ្ញា Olla Levina ដែលសុទ្ធសឹងតែជាបវរកញ្ញាពេញដោយសមត្ថភាព ចំណេះដឹង រូបសម្រស់ និង អត្តចរិតល្អគួរឱ្យស្រឡាញ់ខ្លាំង។
យ៉ាងណាមិញ ក្រោយពីក្លាយជាម្ចាស់មកុដនៃកម្មវិធី Miss Planet International លើកទី ៤ នេះ ក្រឡេកចាប់អារម្មណ៍ពី Miss Planet International 2024 កញ្ញា Mahra Lutfi មួយរយៈកន្លងទៅនេះ ក៏បានវិលត្រឡប់ទៅប្រទេសអារ៉ាប់រួមវិញ ដែលបានឃើញបវរកញ្ញារូបនេះ បង្ហាញសកម្មភាពការងារផ្សេងៗក្នុងនាមជា Miss Planet International 2024 និង ចូលរួមកម្មវិធីធំៗជាច្រើនលើទឹកដីទីក្រុងឌូប៉ៃ។
ជាក់ស្ដែង ថ្មីៗនេះ ម្ចាស់មកុដ Miss Planet International 2024 រូបនេះ កាន់តែធ្វើឱ្យមហាជនអ្នកគាំទ្រកម្ពុជាចាប់អារម្មណ៍ និង រំភើបចិត្ត ក្រោយពីបានឃើញនាងបង្ហាញវត្តមានក្នុងកម្មវិធី Fashion Show ដ៏ធំមួយនៅឌូប៉ៃ គឺ The Michael Cinco Fashion Show At Dubai Fashion Week 2025 ដែលត្រូវបានអញ្ជើញដើរម៉ូដរួមជាមួយកំពូលតារាម៉ូឌែលល្បីៗ និង បវរកញ្ញាលំដាប់ពិភពលោកផ្សេងទៀត។ ក្នុងកម្មវិធី Fashion Show នេះដែរ ក៏បានឃើញវត្តមាន Miss Universe 2024 កញ្ញា Victoria Kjær Theilvig ចូលរួមដើរម៉ូដរួមឆាកតែមួយជាមួយបវរកញ្ញា Mahra Lutfi ម្ចាស់មកុដ MPI ដែលជាកម្មវិធីបវរកញ្ញារបស់កម្ពុជាទៀតផង៕
សូមទស្សនាវីដេអូខាងក្រោម៖
