នៅល្ងាចថ្ងៃទី ៥ ខែមិថុនា ឆ្នាំ ២០២៥ កន្លងទៅនេះ ក្រៅពីបង្ហាញទិដ្ឋភាពនៃការរៀបចំរោងការដ៏ប្រណីតស្រស់ស្អាត តារាចម្រៀង ទេព បូព្រឹក្ស ក៏បានបង្ហោះពីសកម្មភាពនៃវត្តមានរបស់បងប្អូន មិត្តភក្តិ អ្នកសិល្បៈល្បីៗជាច្រើន បានទៅលេងអបអរដល់កូនកំលោះក្រមុំមុនថ្ងៃពិសេសផងដែរ។
ក្នុងនោះដែរ ក៏បានឃើញសកម្មភាពរបស់តារាចម្រៀងស្រី ពេជ្រ សូលីកា ដែលជាមិត្តសម្លាញ់របស់អ្នកនាង ទេព បូព្រឹក្ស បានទៅលេងមិត្តត្រៀមខ្លួនធ្វើជាកូនក្រមុំក្នុងរោងជ័យ ដោយបានបង្ហាញក្ដីរំភើបអបអរ ឱបគ្នាទម្លាយនូវអារម្មណ៍ពិតចំពោះគ្នាពេញដោយស្នាមញញឹម និង ទាំងទឹកភ្នែករលីងរលោង។
អ្វីដែលធ្វើឱ្យអ្នកគាំទ្រកាន់តែចាប់អារម្មណ៍ និង រំភើបចំពោះមិត្តអ្នកទាំងពីរ ខណៈអ្នកនាង ទេព បូព្រឹក្ស បានរៀបរាប់រឮករឿងចាស់ៗមានទាំងល្អ មានទាំងរឿងរ៉ាវរកាំរកូសជាច្រើនដង ប៉ុន្តែមិត្តភាពអ្នកទាំងពីរក៏នៅតែវិលរកគ្នាវិញ មិនចោលគ្នា និង ស្រឡាញ់រាប់អានគ្នាដូចដើមរហូតមកដល់ពេលនេះផងដែរ៕
សូមចុចទីនេះដើម្បីទស្សនាវីដេអូ៖
