អ្នកនិយមចូលចិត្តមើលវីដេអូខ្លីៗលើបណ្ដាញសង្គមបានស្គាល់ហើយពីលោក Santakh ដែលជាអ្នកផលិតមាតិកាដ៏មានប្រជាប្រិយភាពមួយរូបលើបណ្ដាញសង្គម តាមរយៈការថតវីដេអូសម្ដែងសាច់រឿងខ្លីៗបែបកំប្លែងៗធ្វើឱ្យមហាជនសើចសប្បាយ។
បើនិយាយពីវីដេអូដែល SantaKh បានផលិតកន្លងមក ភាគច្រើនជាសាច់រឿងបែបកំប្លែងៗដែលលោកចូលចិត្តដើរតួម្ញ៉ិកម្ញ៉ក់ជាស្រីសមខ្លាំង ដោយលោកតែងសម្ដែងរួមជាមួយអ្នកផលិតវីដេអូល្បីៗផ្សេងៗទៀត។
ដោយឡែក មួយរយៈក្រោយនេះ ក្រៅពីចូលចិត្តតាមដានវីដេអូថ្មីៗរបស់ Santakh ហើយនោះ មហាជនជាច្រើនក៏ចាប់អារម្មណ៍ខ្លាំងពីជីវិតឯកជនរបស់លោក ទាក់ទងនឹងរឿងស្នេហា ដែលលោកបានបើកបង្ហាញម្ចាស់បេះដូងជាស្រីស្អាតម្នាក់ ដែលអ្នកទាំងពីរបានស្រឡាញ់មើលចិត្តគ្នារយៈពេលជាង ១ ឆ្នាំហើយ។ និយាយពីម្ចាស់បេះដូងរបស់អ្នកផលិតមាតិការូបនេះ មានឈ្មោះថា មុន្នី រក្សា ដែលជានារីមានសម្រស់ស្រស់ស្អាត មុខមាត់ រូបរាងតូចច្រឡឹងគួរឱ្យស្រឡាញ់ខ្លាំងណាស់៕
