ជំទាវ កុច មារតី អគ្គនាយករងទូរទស្សន៍ជាតិ ទប់ចិត្តមិនបានពោលនិយាយពី ល្អហួស ក្រោយឈ្នះមកុដបវរកញ្ញាពីប្រទេសថៃ
ក្រោយពីដណ្តើមបានមកុដ Miss Preteen Junior Idol World 2024 ហើយនោះ បវរកញ្ញាយុវតីកម្ពុជា ជូរី ល្អហួស នឹងធ្វើដំណើរពីប្រទេសថៃមកដល់មាតុប្រទេសវិញនៅរសៀល ថ្ងៃទី ០២ ខែមីនា ឆ្នាំ ២០២៤ នេះ។
ងាកទៅកាន់មហាជននៅក្នុងបណ្តាញសង្គមឯនោះវិញ ពិតជាមានមោទកភាព និង រំភើបចិត្តក្នុងនាមជាប្រជាជនខ្មែរ ក្រោយពី ជូរី ល្អហួស ទទួលបានមកុដ Miss Preteen Junior Idol World 2024 និង បវរកញ្ញាកម្ពុជា ២ រូបផ្សេងទៀតរួមមាន យិត អេលីស ទទួលបានជ័យលាភីគ្រងមកុដលំដាប់រងទី ២ កម្មវិធី Miss Teen Junior Idol World 2024 និង យុវតី ជា អមរាសូហ្វី ទទួលបានជ័យលាភីគ្រងមកុដលំដាប់រងទី ២ កម្មវិធី Little Miss Junior Idol World 2024។
ដោយឡែក កាលពីពេលថ្មីៗនេះ ក្រឡេកទៅមើលគណនីហ្វេសប៊ុកផ្លូវការរបស់លោកជំទាវ កច់ មារតី អគ្គនាយករងទូរទស្សន៍ជាតិកម្ពុជា ក៏ហាក់មិននៅស្ងៀមដែរ ក្រោយឃើញពីភាពជោគជ័យរបស់ ជូរី ល្អហួស និង រូបសម្បត្តិទាំងព្រមរបស់ Miss Preteen Junior Idol World 2024 រូបនេះ រហូតលោកជំទាវបានបង្ហោះសារមួយឃ្លាថា ៖ «ល្អអីល្អយ៉ាងនេះ កូនអើយ! កើតមកបានទាំងព្រម ទប់ចិត្តមិនសរសើរមិនបាន។ រូបរាង ចរិត ភាពឆ្លាតវៃ ចំណេះដឹង ឧត្តមគតិជាតិ គួរឱ្យស្រឡាញ់ណាស់»៕
