ទម្លាយបច្ចុប្បន្នភាពតួអង្គ ទុំ ពីររូបទាំងក្នុងខ្សែភាពយន្ត និង ខ្សែវីដេអូខារ៉ាអូខេ ម្នាក់ៗដើរដល់ចំណុចនេះ

មហាជនអ្នកគាំទ្រវិស័យភាពយន្តខ្មែរសុទ្ធសឹងតែបានជ្រាបហើយថា លោក ស៊ុក សុភា និង តារាសម្ដែងប្រុសជើងចាស់ លោក ទេព រិន្ទដារ៉ូ គឺជាតួអង្គ ទុំ ក្នុងខ្សែភាពរឿងបុរាណ និង ខារ៉ាអូខេខ្មែររឿង «ទុំទាវ» ដែលជារឿងអក្សរសិល្ប៍ដ៏ល្បីល្បាញមួយបានដក់ជាប់ក្នុងចិត្តមហាជនមកដល់មសព្វថ្ងៃ។ ដោយឡែក រំលងមកជាយូរឆ្នាំ ប្រិយមិត្តខ្លះច្បាស់ជាចង់ដឹងពីសុខទុក្ខតួអង្គទាំងពីរហើយ ថាតើបច្ចុប្បន្នរស់នៅយ៉ាងណា និង បន្តអាជីពសិល្បៈទៀតដែរឬយ៉ាងណា?

១. តារាសម្ដែងលោក ស៊ុក សុភា

សម្រាប់ជីវិតបច្ចុប្បន្នរបស់តារាសម្ដែងរូបនេះ គឺមានក្តីសុខខ្លាំងណាស់។ បន្ទាប់ពីបញ្ចប់អាជីពជាតារាសម្ដែងសាងគ្រួសារមក លោក ស៊ុក សុភា បានលាពីដែនដីកំណើតទៅរស់នៅប្រទេសអូស្ត្រាលី ដោយពេលនេះលោកមានកូនសរុបចំនួន ៥ នាក់។ ជារឿយៗគេតែងឃើញលោក ស៊ុក សុភា និង ភរិយា រួមនឹងកូនតែងបង្ហាញភាពរូបភាពផ្អែមល្ហែមលើបណ្ដាញសង្គមហ្វេសប៊ុកមិនសូវដាច់ឡើយ។ ទន្ទឹមនឹងនោះ លោក និង គ្រួសារក៏ឧស្សាហ៍មកលេងប្រទេសខ្មែរញឹកញាប់ដែរ។

២. តារាសម្ដែងលោក ទេព រិន្ទដារ៉ូ

ដ្បិតថាអាយុ ៦១ ឆ្នាំទៅហើយក្តី តែតារាជើងចាស់តួអង្គ ទុំ ក្នុងវីដេអូចម្រៀងខារ៉ាអូខេរូបនេះ នៅតែស្រស់សង្ហា និង បន្តអាជីពសិល្បៈដដែល។ បច្ចុប្បន្នតារាប្រុសរូបនេះរស់នៅទីក្រុងភ្នំពេញ និង ចេញថតរឿងតូចធំជាហូរហែ។ អាចនិយាយបានថា ព្រោះតែទេពកោលស្យ សមត្ថភាពសម្ដែងល្អ ទោះមានវ័យជ្រេបន្តិច តែប្រជាប្រិយភាពតារាប្រុសរូបនេះនៅតែរះចាំងចែងសម្រាប់មហាជនយុវវ័យដដែល៕