(វីដេអូ) ប្លែកភ្នែកខ្លាំង! ប្រឡូកសិល្បៈ ២១ ឆ្នាំហើយ Han Ga In ទើបដាច់ចិត្តកាត់សក់ខ្លី
ចាប់តាំងពីតារាសម្ដែងស្រី Han Ga In ចូលប្រឡូកក្នុងសិល្បៈដំបូងក្នុងឆ្នាំ ២០០២ មកដល់បច្ចុប្បន្ននេះ ភាពល្បីល្បាញរបស់នាង មិនថមថយនោះទេ ហើយបើនិយាយដល់រូបសម្រស់ក្នុងវ័យ ៤១ ឆ្នាំរបស់តារាស្រីរូបនេះ ក៏នៅតែស្រស់ផូរផង់ស្អាត ជាប់តំណែងតារាស្រីកំពូលសម្រស់ប្រចាំទូរទស្សន៍កូរ៉េ។
ទោះជាយ៉ាងណា កាលពីពេលថ្មីៗនេះ តារាសម្ដែងស្រី Han Ga In បានធ្វើឱ្យទស្សនិកជន ក៏ដូចជាអ្នកគាំទ្ររបស់នាងនៅលើបណ្តាញសង្គម Instagram មានការភ្ញាក់ផ្អើលជាខ្លាំង បន្ទាប់ពីបានឃើញនាងកាត់ម៉ូដសក់ខ្លីប្លែកមិនធ្លាប់ឃើញពីមុន តាំងពីនាងចូលសិល្បៈអស់ ២១ ឆ្នាំមកហើយ។
យ៉ាងណាមិញ បើតាមដានមើលឱ្យច្បាស់ Han Ga In នៅពេលដែលបានផ្លាស់ប្តូរម៉ូដសក់ខ្លីត្រឹម-ក សម្រស់កាន់តែក្មេងជាងវ័យ និងមានភាពស្អាតលេចធ្លោ ស័ក្តិសមនឹងទម្រង់មុខរបស់នាងណាស់។
ក្នុងនោះដែរ ក៏បានឃើញអ្នកគាំទ្រនៅក្នុងបណ្តាញសង្គមរបស់នាង បានចូលមកសរសើរដល់តារាស្រីរូបនេះយ៉ាងខ្លាំង ថ្វីដ្បិតថា Han Ga In បានរៀបការក្លាយជាម្ដាយកូនប្រុសរបស់នាងក៏ដោយ ប៉ុន្តែនាងនៅតែអាចធ្វើឱ្យបេះដូងអ្នកគាំទ្ររបស់នាងឈ្លក់វង្វេងនឹងភាពស្រស់ស្អាតនាងដដែល៕ ចុចទីនេះ ដើម្បីទស្សនាវីដេអូ!
