(វីដេអូ) តុប វិសាល មកម្តងនេះ គឺមកយកបេះដូងអ្នកគាំទ្រព្រាត ដោយសាររូបសង្ហាសាច់ដុំទាំងក្លែបៗគួរឱ្យក្នាញ់
គេចាំបានថាក្រោយពីរៀបអាពាហ៍ពិពាហ៍ជាមួយភរិយាជាកូនអ្នកខេត្តកំពង់ឆ្នាំងភ្លាម តារាសម្តែង តុប វិសាល បានបន្សាត់ខ្លួនចេញពីអាជីពសិល្បៈភ្លាមៗ ដោយលោកបានទៅបន្តការសិក្សានៅប្រទេសជប៉ុន ព្រមទាំងកាលពីអំឡុងឆ្នាំ ២០២១ លោកក៏បានទទួលសញ្ញាបត្រថ្នាក់ភាសាជប៉ុននៃសាកលវិទ្យាល័យ Okayama Shoka រួចរាល់ហើយដែរ ក្រោយបានសិក្សានៅទីនោះអស់រយៈពេលជាងមួយឆ្នាំ ។
ក្រោយពីបញ្ចប់ការសិក្សា និង វិលត្រឡប់មកប្រទេសកម្ពុជាមួយរយៈវិញ លោក តុប វិសាល ក៏បានចូលក្នុងវិស័យសិល្បៈវិញ ព្រមទាំងក្តោបបានការងារសិល្បៈជាច្រើនដែរ ដោយក្និងរឿងដែលផ្ទុះការចាប់អារម្មណ៍ខ្លាំង គឺរឿង «ផ្ទះតៃហោង»។
យ៉ាងណាមិញ បច្ចុប្បន្នអតីត Freshie Boy លោក តុប វិសាល ក៏បានចាកចេញទៅរស់នៅឯប្រទេសជប៉ុនវិញក៏ពិតមែន ប៉ុន្តែមហាជននៅតែបន្តគាំទ្រតាមដានរូបលោកតាមរយៈបណ្តាញសង្គមហ្វេសប៊ុកដូចដើម។ ជាងនេះទៅទៀត អ្វីដែលកំពុងតែធ្វើឱ្យអ្នកគាំទ្របានមានការចាប់អារម្មណ៍យ៉ាងខ្លាំងនោះ ដោយលោក តុប វិសាល បានផលិតវីដេអូបង្ហាញពីការហាត់ប្រាណយកសាច់ដុំចែកជូនដល់អ្នកលេងបណ្តាញសង្គមហ្វេសប៊ុកទៀតផង។
តួយ៉ាង ថ្មីៗនេះ លោក តុប វិសាល បានបង្ហោះវីដេអូ និង រូបភាពបញ្ចេញសាច់ដុំកង់ៗ មើលទៅប្លែកខ្លាំងខុសកាលពីលោកចាប់ផ្តើមចូលប្រឡូកក្នុងវិស័យសិល្បៈដំបូងៗ។ រូបភាពបញ្ចេញសាច់ដុំកង់ៗនោះដែរ ធ្វើឱ្យអ្នកគាំទ្រលាន់មាត់សរសើរពីរូបរាងសង្ហារបស់លោក រហូតមានអ្នកចូលទៅបញ្ចេញមតិថា៖ «ឃើញរូបភាពនោះហើយ ចង់គាំងបេះដូង» ទៀតផង៕
