![នៅអាមេរិក ២ ឆ្នាំ ក្លាយជាថៅកែហាងទៅហើយ តែ អ៊ុន អាលីហ្សា ត្អូញថាមានលុយ តែគ្មានពេល](https://www.popular.com.kh/wp-content/uploads/2023/08/Sa.jpg)
នៅអាមេរិក ២ ឆ្នាំ ក្លាយជាថៅកែហាងទៅហើយ តែ អ៊ុន អាលីហ្សា ត្អូញថាមានលុយ តែគ្មានពេល
បើគិតមកដល់ពេលនេះ រយៈពេលជាង ២ ឆ្នាំ ហើយ ដែលតារាចម្រៀង និង សម្តែង អ៊ុន អាលីហ្សា បានដឹកដៃកូនស្រីហោះទៅកាន់ទឹកដីសហរដ្ឋអាមេរិកជួបជុំស្វាមី ក្រោយពីបានបែកគ្នាតាំងពីនាងពពោះបានជាង ១ ខែមកម្ល៉េះ ។
ក្នុងនោះ ក្រោយពីទៅដល់សហរដ្ឋអាមរិក រស់នៅជួបជុំប្តីប្រពន្ធ និង កូនស្រីយ៉ាងពេញលេញវិញហើយនោះ តារាចម្រៀងស្រីរូបនេះ ហាក់កាន់តែបង្ហាញភាពផ្អែមល្ហែម និង មានសុភមង្គលកាន់តែខ្លាំងឡើងលើទឹកដីប្រាក់ដុល្លារនោះ។ លើសពីនេះ ពេលទៅដល់ទីនោះ មិនត្រឹមតែបានជួបជុំគ្រួសារ ចាយជីវិតដើរកម្សាន្តយ៉ាងរីករាយនោះទេ អ្នកនាង អ៊ុន អាលីហ្សា ក៏បានជួយមើលការរកស៊ីរបស់ស្វាមី និង ក្លាយជាថៅកែហាងនំដូណាត់ទៀតផង។
យ៉ាងណាមិញ ទៅដល់ទឹកដីអាមេរិកបានជាង ២ ឆ្នាំ ស្រាប់តែកាលពីពេលកន្លងមក អ្នកនាង អ៊ុន អាលីហ្សា ធ្លាប់បង្ហោះសារមួយលើបណ្តាញសង្គមហ្វេសប៊ុក ពីជីវិតផ្ទាល់ខ្លួនក្នុងនាមជាអ្នករកស៊ីមានលុយ តែគ្មានពេលវេលាថា៖ «កាលនៅពីតូច គ្រូទាយថាដៃហ្នឹង ធំទ្បើងមានវាសានាល្អ មានលុយកាន់ពេញៗ ដៃឆ្អឹងអណ្តែត! ទាយត្រូវរបស់គាត់មែនតើ! ចង់ប្រាប់គ្រូវិញថា អណ្តែតទាំងសរសៃដៃទៀតឥឡូវហ្នឹង រកតែពេលលាបក្រចកមិនបានផង។ មានលុយតែគ្មានពេល ហាហា»៕