ក្ដៅៗ! តារាចម្រៀង ខេម បង្ហោះវីដេអូនិយាយពីអារម្មណ៍ពិត ពេលឃើញការបញ្ចេញមតិរបស់មហាជនលើបណ្តាញសង្គម

ថ្មីៗនេះ មហាជនអ្នកលេងបណ្តាញសង្គមហ្វេសប៊ុកកំពុងផ្ទុះការចាប់អារម្មណ៍នូវវីដេអូប្រមាណជិត ៩ នាទី របស់តារាចម្រៀងសំឡេងស្អក លោក ខេម ដែលបានចេញមកបញ្ចេញយោបល់បង្ហាញពីអារម្មណ៍ពិតរបស់ខ្លួនពាក់ព័ន្ធការបញ្ចេញមតិរបស់មហាជននៅលើបណ្តាញសង្គម។

លោក ខេម បានលើកឡើងថា លោកមិនមែនជាបុគ្គលដែលពូកែនិយាយស្តីអ្វីច្រើននោះទេ ប៉ុន្តែលើកនេះលោកចង់បង្ហាញអារម្មណ៍របស់ខ្លួននៅលើបណ្តាញសង្គមដែរ។ ជាងនេះទៅទៀត តារាចម្រៀងសំឡេងស្អករូបនេះបានបន្តថា មួយរយៈនេះនៅលើបណ្តាញសង្គមហ្វេសប៊ុក តែងតែមានរឿងកើតឡើងជាបន្តបន្ទាប់ អស់ពីរឿងមួយចូលរឿងមួយ។

លោក ខេម ក៏បានបញ្ជាក់ដែរថា ៖ «…នៅក្នុងបណ្តាញសង្គមមួយនេះ មហាជនមានសិទ្ធិស្មើគ្នាក្នុងការបញ្ចេញមតិរៀងៗខ្លួន​ តែខ្លះលោកឃើញថាល្អ ហើយខ្លះក៏មិនល្អ ហើយការដែលបញ្ចេញមតិមកមិនល្អនោះ គឺច្រើនតែមិនបានគិត។ ជាងនេះទៅទៀត មិនថាតែរឿងរ៉ាវអ្វីទេនៅលើបណ្តាញសង្គម បើសិនជាបងប្អូនណាម្នាក់ចូលទៅបញ្ចេញមតិមិនល្អនោះ ពាក្យនោះអាចនឹងសម្លាប់ទឹកចិត្តរបស់គេ សម្លាប់ក្តីស្រមៃរបស់គេ និង សម្លាប់អនាគតរបស់គេបានទៀតផង…»។

ចង់ដឹងលោក ខេម រៀបរាប់លម្អិតបែបណាសូមទស្សនាវីដេអូខាងក្រោម ៖