សៃហ្វុន និង ដាវីកា ក្លាយជាបេក្ខភាពភេទទី ៣ ដំបូងគេ ចូលប្រកួត Miss Universe Cambodia
ពិតណាស់ ថ្មីៗកន្លងទៅ ខណៈកម្មវិធី Miss Universe Cambodia បានបើកប្រកាសទទួលពាក្យជ្រើសបេក្ខភាពបវរកញ្ញា ដើម្បីធ្វើការប្រកួតប្រជែងដណ្ដើមមកុដ Miss Universe Cambodia ប្រចាំឆ្នាំ ២០២៣ នេះ ក៏បានឃើញបវរកញ្ញាភេទទី ៣ កម្ពុជា ឆ្នាំ ២០២១ កញ្ញា សៃ ហ្វុន ប្រកាសដាក់ពាក្យចូលរួមប្រកួតក្នុងកម្មវិធីនេះ។
យ៉ាងណាមិញ ក្រៅពីបវរកញ្ញាភេទទី ៣ ឆ្នាំ ២០២១ សៃ ហ្វុន ក៏បានឃើញអតីតបេក្ខភាពបវរកញ្ញាភេទទី ៣ ឆ្នាំ ២០២៣ មួយរូបទៀត គឺកញ្ញា ដា វីកា ក៏បានដាក់ពាក្យចូលប្រកួតដណ្ដើមមកុដក្នុងកម្មវិធី Miss Universe Cambodia ឆ្នាំ ២០២៣ នេះផងដែរ។
ក្រោយពីបានឃើញស្រីស្អាតភេទទី ៣ ទាំង ២ រូប ប្រកាសចូលប្រកួតក្នុងកម្មវិធី Miss Universe Cambodia ២០២៣ នេះ មហាជនអ្នកគាំទ្រលើបណ្ដាញសង្គមកំពុងចាប់អារម្មណ៍តាមដានខ្លាំង ព្រមទាំងបង្ហាញការគាំទ្រលើកចិត្តដល់បេក្ខភាពភេទទី ៣ ទាំងពីររូបទទួលបានជោគជ័យក្នុងការប្រកួតនេះ ដែលជាឆ្នាំដំបូងហើយនៃកម្មវិធី Miss Universe Cambodia ដោយបានបើកឱកាសឱ្យបេក្ខភាពភេទទី ៣ ចូលរួមប្រកួត៕
