(វីដេអូ) អួលដើម-ក! មិនបានចូលរួមផ្ទាល់ តែម៉ាក់ប៉ា ឆាឆា Surprise វីដេអូជូនពរកូនសំណព្វយ៉ាងមានន័យ

ឆាឆា ជា Content creator ខ្មែរមួយរូប ដែលតែងតែនាំមកនូវភាពសប្បាយរីករាយមកជូនមហាជនក្នុងបណ្ដាញសង្គមឱ្យសើចគាំង តាមរយៈរូបភាពកាត់ត វីដេអូកំប្លុកកំប្លែងប្លែកធ្វើត្រាប់តាមនានា ដែលមើលមិនចេះធុញទ្រាន់ ជាហេតុធ្វើឱ្យរូបគេទទួលបានការគាំទ្រយ៉ាងខ្លាំង និង កោតសរសើរមិនដាច់ពីមាត់មហាជន។

យ៉ាងណាមិញ កាលពីថ្ងៃទី ២៩ ខែមករា ឆ្នាំ២០២៣ កន្លងទៅ ឆាឆា បានបង្កើតកម្មវិធីមួយដើម្បីជួបជុំអ្នកគាំទ្រជាលើកដំបូង ឈ្មោះថា «វែកឆា PARTY» នៅឯរោងភាពយន្តមេជឺស៊ីនេផ្លិច អ៊ីអនម៉លមានជ័យ ជាមួយនឹងការចូលរួមពីយ៉ាងកុះករពីសំណាក់អ្នកគាំទ្រ សិល្បករ ព្រមទាំងមិត្តភក្តិ ជាដើម។

ក្នុងកម្មវិធីនោះផងដែរ នៅក្នុងវគ្គ Q&A ដែលកញ្ញា កេសរ ជាពិធីការិនីបានសួរទៅកាន់ ឆាឆា ថា ៖ «បើសិនជាក្នុងពេលឥឡូវនេះ ឆាឆា អាចសម្រេចបំណងប្រាថ្នាចំនួន ៣ តើ ឆាឆា ចង់បានអ្វី?»។ ភ្លាមៗនោះ ឆាឆា ក៏បានឆ្លើយថា ៖ «សុំតែ ២ ក៏បានដែរ ទី ១ ចង់ឱ្យមានអ្នកចូលរួមក្នុងកម្មវិធីឱ្យបានច្រើន។ ទី ២ ចង់ឱ្យម៉ាក់ប៉ា មានវត្តមានក្នុង fan meeting ហ្នឹងដែរ ហេតុដែលគាត់អត់បានមក ព្រោះលោកទាំងពីរមានភារកិច្ចនៅក្រៅប្រទេស»។

ដោយគ្រាន់តែ ឆាឆា បាននិយាយបែបនេះហើយ ក្រុមការងារបានចាក់វីដេអូរបស់លោកប៉ា អ្នកម៉ាក់ ឆាឆា ថតជូនពរក្នុងថ្ងៃពិសេសរបស់កូន ព្រមទាំងពោលទាំងសោកស្ដាយថា ពុំបានចូលរួមព្រោះមានធុរៈត្រូវមកបំពេញនៅឯក្រៅប្រទេស ធ្វើឱ្យ ឆាឆា យំហ៊ូរតែម្ដង។

ដោយឡែក មិនត្រឹមតែ ឆាឆា ម្ចាស់សាមីខ្លួនយំនោះទេ សូម្បីតែអ្នកចូលរួមជាច្រើន អួលដើម-ក និង យំតាមពេញហ្នឹងតែម្ដង។ ចុចទីនេះដើម្បីទស្សនាវីដេអូ