ស្ងាត់ៗទិញផ្ទះស្ងាត់ៗទិញដី! Yaya ទិញដីមួយកន្លែងទៀតជាប់ជើងភ្នំ ត្រៀមសង់ផ្ទះលម្ហែ

បើនិយាយពីកំពូលតារាសម្ដែងជួរមុខនៅក្នុងប្រទេសថៃ Yaya Urassaya ត្រូវបានមហាជនចាត់ទុកជាកំពូលតារាម្នាក់ដែលរកចំណូលបានច្រើនក្នុងមួយៗឆ្នាំ ព្រោះថាគ្មានឆ្នាំណាមួយដែលនាងពុំដែលចេញថតរឿង និង ឡើងកម្មវិធីឡើយ។

ជាមួយគ្នានោះ សម្រាប់តម្លៃខ្លួនវិញក៏ស្រីស្រស់ Yaya ទទួលបានថ្លៃលើសលប់ និង ស្ថិតក្នុងតារាតារាដែលមានតម្លៃខ្លួនផងដែរ។ ក្រៅពីរកចំណូលបានតាមរយៈការសម្ដែង តារាស្រី Yaya ក៏អ្នកតំណាងផលិតផលប៊្រេនល្បីៗលំដាប់ពិភពលោកច្រើនប្រភេទដូចគ្នា ដែលនេះហើយជាប្រភពចំណូលធំរបស់នាងក្នុងវិស័យសិល្បៈ។

ទន្ទឹមនឹងរកលុយបានរាប់ក្នុងមួយៗឆ្នាំនេះ គេឃើញថាជីវិតគ្រួសាររបស់តារាសម្ដែងស្រី Yaya រស់នៅយ៉ាងសុខសុភមង្គល។ ដ្បិតថាជាតារាល្បីមានទ្រព្យច្រើន តែតារាស្រីរូបនេះហាក់ស្ងៀមស្ងាត់កម្រក្នុងការសម្ញែងខ្លួនថាខ្លួនជាអ្នកមានបែបនេះបែបនោះណាស់ តែស្ងាត់ៗគេតែងឃើញនាងទិញផ្ទះ ទិញដីរហូត។

ជាក់ស្តែង ថ្មីៗនេះ ស្រីស្រស់ Yaya បានចេញមកបង្ហោះទីតាំងដីមួយកន្លែងដែលនៅជាប់នឹងជើងភ្នំមានទេសភាពយ៉ាងស្រស់ត្រកាលដោយនាងបានបញ្ជាក់ក្នុង Caption នៃការបង្ហោះរូបភាពលើបណ្ដាញសង្គមអ៊ីនស្តាក្រាមថាជាដីដែលត្រៀមនឹងសាងសង់ផ្ទះលម្ហែកាយ។ ងាកទៅមើលមហាជនវិញ ក្រោយស្រីស្អាត Yaya បង្ហាញដីភ្ជាប់ជាមួយនឹងទេសភាពស្អាតជាប់ជើងភ្នំដូច្នោះហើយ ម្នាក់ៗពិតអន្ទះសាចង់ឃើញផ្ទះរបស់នាងខ្លាំងណាស់ថាស្អាតកម្រិតណាក្រោយពីសាងសង់រួច៕